Koronavırýstyq pandemııaǵa baılanysty áýe saparlarynyń qysqarýy jahandyq altyn óndirýshilerge aýyr soqqy bolyp tııýde. Kompanııalar shıkizatty ken oryndarynan tazartý jáne taza altyn alý úshin óńdeıtin zaýyttarǵa ótkizý múmkindiginen aıyrylyp otyr.
Bloomberg derekteri boıynsha, ádette metall turaqty reısterde tasymaldanady.
- Alaıda pandemııa bastalǵan kezeńde shıkizatty álemdegi munaı óńdeý zaýyttaryna jetkizýdiń balama joldaryn izdeýge týra keldi deıdi altyn óndiretin Newmont Mining kompanııasynyń bas dırektory Tom Palmer. Onyń aıtýynsha, kompanııa shıkizatty jiberýi úshin basqa óndirýshilermen birlesip áýe kemelerimen charterlik tasymalǵa májbúr bolyp otyr.
Koronavırýstyń áserinen AQSh pen Eýropadaǵy qaıta óńdeý zaýyttary karantın rejımine kóshkendikten jaǵdaı qıyndaı bastaǵan. Shveısarııadaǵy munaı óńdeý zaýyttarymen seriktes bola otyryp Newmont Mining kompanııasyna menshiginde qaıta óńdeý qondyrǵylary bar Pertadaǵy Monetalyq saraıynan kómek suraýǵa týra kelgen. Aýstralııalyq tarap metalldy qabyldaýǵa kelisimin bergenmen, shıkizat zaýytqa Newmont Mining kompanııasynyń Perý, Sýrınama jáne Ganada óndirgen ken oryndarynan jetkiziletin bolady.
Al ınvestorlar dástúrli túrde qaýipsiz aktıv dep tabatyn altyn baǵasy koronavırýstan týyndaǵan ekonomıkalyq daǵdarys jaǵdaıynda ósip barady. Kúni keshe Chıkago saýda bırjasynda qymbat metalldyń 1 ýnsııasynyń quny 1775 qurap, 2012 jylǵy kórsetkishke deıin sharyqtaǵan.