Qyzylorda qalasyndaǵy Nazarbaev Zııatkerlik mektebiniń oqýshylary ata-analarynyń qoldaýymen kómekke muqtaj jandardy azyq-túlikpen qamtamasyz etti.
Qaıyrymdylyq sharasyn «Nomad», «Syr eli» jáne «Áıteke bı» toptarynyń eriktileri bastady. Jas zııatkerler un, sút ónimderi, jarma, kókinister salynǵan kómek paketterin oblys ortalyǵyndaǵy jalǵyzbasty qarııalarǵa jetkizdi.
– Qazirgi jaǵdaı jalǵyzilikti adamdar men az qamtylǵan otbasylarǵa qıyn tıip otyr. Sondaı jandarǵa járdem jasaý jónindegi bastamamyzdy oqýshylar men ata-analar birden qoldap áketti, – deıdi mekteptiń pedagog-uıymdastyrýshysy Baǵdat Abılov.
Qarııalar ózderine qamqorlyq tanytqan oqýshylarǵa shynaıy alǵystaryn jetkizip, batalaryn berdi.