Eldegi tótenshe jaǵdaıǵa baılanysty qazirgi kezde Qazaqstandaǵy barlyq ishki jáne 100 paıyzǵa jýyq halyqaralyq reıster toqtaǵan.
Indýstrııa jáne ınfraqurylymdyq damý mınıstri B.Atamqulov Úkimet otyrysynda koronavırýstyq pandemııaǵa baılanysty azamattyq avıasııa salasynyń shyǵyndaryna qatysty derekterdi atap ótti. Azamattyq avısııa salasynyń boljamyna sáıkes, jyl aıaǵyna deıin saladaǵy operasııalyq kiristerdiń shyǵyny shamamen 300 mlrd teńgeni quraýy múmkin.
Eldegi ishki jáne halyqaralyq reısterdiń toqtatylýyna qaramastan, aǵymdaǵy jyldyń birinshi toqsanynda jolaýshylar tasymalyndaǵy ósý qarqyny saqtalyp, jolaýshylar sany 1,7 mıllıondy quraǵan. Bul ótken jyldyń osy kezeńimen salystyrǵanda 5,2% artyq.
Vedomstvo basshysy osy otyrysta áýejaılardyń qurylysy men jóndeý jumystarynyń barysyna toqtaldy. Bıylǵy jyly Túrkistanda jańa halyqaralyq áýejaı men Shymkentte jańa jolaýshylar termınalyn ashý josparlanyp otyr. Úrjar áýejaıynyń ushý-qoný jolaǵyn qaıta qalpyna keltirý jumystaryn bastap, О́skemen jáne Úsharal áýejaılaryndaǵy taǵy eki UQJ-ny qaıta qurý bastalatyn bolady.
Sondaı-aq «Nurly jol» baǵdarlamasy aıasynda aldaǵy 5 jylda jergilikti áýe qozǵalysyna arnalǵan 13 aerodrom salý josparlanýda. Qazirgi kezde jergilikti áýe jelilerinde 3 aerodrom (Úsharal, Úrjar, Zaısan) qoldanysta. Al 13 aımaqtyq aerodromnyń qurylysy 2022 jyly bastalady dep josparlanýda.