Almaty qalasyndaǵy fızıka-matematıka baǵytyndaǵy Nazarbaev Zııatkerlik mektebiniń 12-synyp oqýshysy Aınur Alkeeva «biomedical engineering» mamandyǵy boıynsha Norwich University-diń (AQSh) bilim grantyna ıe boldy.
Túlek jyl saıyn álemniń úzdik 25 talapkerin ǵana qabyldaıtyn «Honors Program» bedeldi ýnıversıtettik baǵdarlamasyna tapsyrǵan. Sondaı-aq, Aınur Alkeeva Purdue University, The University of Arizona, University of Houston, Fisher College jáne Whitworth University sııaqty Amerıkanyń 5 joǵary oqý ornynan shaqyrtý alyp otyr.
Aınur Alkeeva qazaqstandyq stýdentter arasyndaǵy pikir-saıys týrnırleriniń birneshe dúrkin fınalısi, «Technovation» baıqaýynyń respýblıkalyq kezeńiniń jeńimpazy, sondaı-aq, «Hackathon» baıqaýy men IýNESKO klýby konferensııalarynyń qatysýshysy. Qazaqstan BUU-da volonterlik qyzmetpen aınalysady. Túlek, sondaı-aq, mekteptiń ózin-ózi basqarý júıesiniń múshesi, «NIS Paper» mektep gazetiniń avtory jáne «Exponenta Magazine» jýrnalynyń negizin qalaýshylardyń biri.
ALMATY