Poıyz jolaýshylary aldaǵy ýaqytta bıometrııalyq sáıkestendirýden ótetin bolady.
Jobany iske asyrý barysyna toqtalǵan «Adal jol» jobalyq keńseniń basshysy I.Maıshekın tulǵany sáıkestendirýdiń jańa tehnologııasy Digital ID qosymshasy arqyly bılet satyp alýǵa múmkindik beretindigin jetkizdi. Bıletti satyp alǵan kezde Digital ID qosymshasy arqyly tulǵa sáıkestendiriledi ári sıfrlyq ID karta jasalady. Kartany bılet satyp alý kezinde qoldanylady.
Qazirgi kezde tulǵany sáıkestendirý tehnologııasy arqyly bılet satyp alǵan jolaýshylardy tekserýdiń úsh nusqasy qarastyrylýda.
Iаǵnı, birinshiden, jolaýshylardyń tulǵasyn sáıkestendirý qosymshasy júktelgen smartfonnyń kómegi arqyly tekserý; ekinshiden, jolaýshylardyń tulǵasyn sáıkestendiretin kameralar vokzalǵa, ıaǵnı, perronǵa shyǵatyn jerde, al úshinshiden, kameralar vagondarda ornatylady. Elimizde tótenshe jaǵdaı rejıminiń jarııalanýyna baılanysty naýryzda júzege asýy tıisti joba keıinge shegerilip otyr. Qazirgi ýaqytta «Qazaqstan temir joly» kompanııasy «Almaty-Atyraý» baǵytyndaǵy jeke poıyzdy bólip bergendikten, joba osy baǵytta 2-3 aı boıy synalady. Onyń barysynda jobanyń kem-ketik tustaryn anyqtalyp, tolyqtyrylatyn bolady.
ALMATY