Ońtústik Qazaqstan oblysynyń ákimi Asqar Myrzahmetovtiń tikeleı basshylyǵymen Shymkent qalasyndaǵy «Ippodrom» aýmaǵynan bastap, Báıdibek bı eskertkishine deıingi aýmaqta etno-tarıhı tematıkalyq saıabaqtyń, oblystyq murajaı jáne ádet-ǵuryp ortalyǵynyń eskızdik jobasy ázirlenýde. Bul týraly oblys ákiminiń baspasóz qyzmeti habarlady.
Etno-tarıhı saıabaq aýmaǵynda oblys kóleminde ornalasqan tarıhı mańyzy bar keseneler men eskertkishterdiń shaǵyn maketteri ornalastyrylatyn bolady.Al mýzeı jáne ádet-ǵuryp ortalyǵynyń qurylys jumystaryna oblystyq bıýdjetten qarajat qarastyrylýda. Sonymen birge, bıyl halyqtyń kózaıymyna aınalatyn «Naýryz» alańynda qazaqtyń salt-dástúrin beıneleıtin «Kókparshy», «Qyz qýý», «Teńge alý», «Búrkitshi» syndy sáýlettik - dekoratıvtik elementter oryn alady.
Danııar Túımebaı.