Túrkistan oblysynda 386 239 azamat tótenshe jaǵdaı kezinde jumyssyz qalǵan azamattarǵa arnalǵan áleýmettik 42 500 teńge tólemdi aldy. Jalpy búgingi tańda 522 096 turǵynnyń ótinishi tirkelip, 434 598 azamatqa tólem taǵaıyndalyp otyr.
Bul týraly О́ńirlik kommýnıkasııalar qyzmetinde Túrkistan oblysy boıynsha memlekettik áleýmettik saqtandyrý qory AQ fılıaly dırektorynyń mindetin atqarýshy Dáýren Baıyrbekov málimdedi.
Sondaı-aq brıfıngke qatysqan Jumyspen qamtýdy úılestirý jáne áleýmettik baǵdarlamalar basqarmasynyń basshysy Ásııa Temirbaeva 42500 teńge tólemdi stýdentterdiń de alýyna bolatynyn aıta kele, qandaı jaǵdaıda beriletinin habarlady. Bala kútimine baılanysty dekrettik demalystaǵy áıelder bala 1 jastan asqannan keıin ǵana 42 500 teńge taǵaıyndalatynyn, ótinish berý aldynda biryńǵaı jıyntyq tólem jasaý kerektigin jetkizdi.
Sondaı-aq Á. Temirbaeva 1 sáýirden bastap tótenshe jaǵdaı kezinde azyq-túlik-turmystyq jıyntyǵyn alatyndardyń tizbesi qosymsha áljýaz topqa kiretin sanattaǵy azamattarmen tolyqtyrylǵanyn aıtty. Bul oraıda 6 jastan 18 jasqa deıingi 43 190 balaǵa 7 213 mln teńge, 94 222 barlyq jastaǵy birinshi, ekinshi jáne úshinshi toptaǵy múgedekter men 16 jasqa deıingi múgedek balalarǵa 15 736 mln teńge, 23 795 jumyssyz azamatqa 3 974 mln teńge, múgedek balany kútýmen aınalysatyn 13 013 adamǵa 2 173 mln teńge qaralǵan. Qazirgi tańda atalǵan azamattarǵa qarajatyn aýdarý arqyly áleýmettik kómek kórsetý jumystary bastalǵan.