Qazaly aýdanynda áskerı mindettilerden 24 azamat iriktelip, arnaıy áskerı jıynǵa shaqyryldy. Bul týraly aýdan ákiminiń baspasóz qyzmeti habarlady.
Bul azamattardyń negizgi mindeti tótenshe jaǵdaı kezinde qaýipsizdik sharalarynyń saqtalýyn qadaǵalap, turǵyndardy tártipke shaqyrý. Aýdan ákimi Murat Ergeshbaev kómekke kelgen azamattarǵa alǵysyn aıtyp, isterine sáttilik tiledi.
Arnaýly áskerı jıynǵa shaqyrylǵandar ýchaskelik polısııa ınspektorlarymen birge Qazaly qalasy men Áıteke bı kentinde qoǵamdyq tártipti saqtaýǵa atsalysady. Olar kıim-keshekpen, ystyq tamaqpen jáne basqa da materıaldyq-tehnıkalyq quraldarmen qamtamasyz etiledi.
Jıyn ýaqytynda áskerı mindettilerdiń jumys orny men jalaqysy saqtalady, al jumys istemeıtinderge eń tómengi jalaqy tólenedi.