Keshe Qazaqstan Prezıdenti Nursultan Nazarbaev Reseı Federasııasynyń Syrtqy ister mınıstri Sergeı Lavrovty qabyldady, dep habarlady Prezıdenttiń baspasóz qyzmeti.
Keshe Qazaqstan Prezıdenti Nursultan Nazarbaev Reseı Federasııasynyń Syrtqy ister mınıstri Sergeı Lavrovty qabyldady, dep habarlady Prezıdenttiń baspasóz qyzmeti.
Memleket basshysy S.Lavrovtyń Qazaqstanǵa saparyna yqylas bildirip, elderimiz arasyndaǵy yntymaqtastyqtyń joǵary deńgeıin atap ótti.
– Qazaqstan men Reseı joǵary deńgeıde qarym-qatynas jasap keledi. Buǵan elderimizdiń syrtqy ister mınıstrlikteri men elshilikteriniń qosqan úlesi zor. Bizdiń ekijaqty yntymaqtastyǵymyz ózge elder úshin úlgi bola alady dep oılaımyn, – dedi Nursultan Nazarbaev.
Sondaı-aq, Qazaqstan Prezıdenti Reseı Syrtqy ister mınıstrin G20 sammıtiniń sátti ótýimen quttyqtap, osynaý aýqymdy is-sharanyń sapaly uıymdastyrylǵanyn atap ótti.
S.Lavrov Nursultan Nazarbaevty Qazaqstannyń Syrtqy ister mınıstri E.Ydyrysovpen júrgizilgen kelissózder, onda ekijaqty yntymaqtastyqty odan ári tereńdetý máseleleri qaralǵany, sonyń ishinde memleketter basshylary kezdesýine daıyndyq jóninde naqty qadamdar belgilengeni týraly habardar etti.
Buǵan qosa, óńirlik qaýipsizdikti qamtamasyz etýdiń aspektileri men halyqaralyq kún tártibindegi máseleler talqylandy.
-----------------------------------------
Sýretterdi túsirgender
S.BONDARENKO, B.OTARBAEV.