Qazaqstandyqtar avtosalonnan satyp alǵan kólikterin Elektrondyq úkimettiń portaly arqyly onlaın tirkeı alady. Bul týraly «Azamattarǵa arnalǵan úkimet» memlekettik korporasııasynyń Mańǵystaý oblysy boıynsha fılıaly baspasóz qyzmeti habarlady.
Avtomobıl satyp alý jóninde kelisim jasalǵannan keıin avtosalon ókili VIN-kodty, sondaı-aq klıenttiń JSN-y kórsetilgen qajetti qujattaryn bekitip, eGov portaly arqyly avtokólik quralyn tirkeýge ótinim beredi. Bul ótinim satyp alýshynyń jeke kabınetine kelip túsedi. Satyp alýshy eGov portalyndaǵy jeke kabınetine kirip, ótinimmen tanysady. Avtomobılge arnalǵan memlekettik nómirlik belgini tańdaı otyryp, memlekettik baj salyǵyn jáne tirkeý alymyn tóleıdi jáne óziniń elektrondyq sıfrlyq qoltańbasymen (ESQ) qol qoıyp, ótinimdi rastaıdy. Satyp alýshy daıyn tehnıkalyq qujat pen nómirlik belgini tıisti habarlama kelgen soń, birneshe saǵattan keıin mamandandyrylǵan HQKO-dan óz betinshe ala alady. Budan basqa, aldyn ala resimdelgen senimhat boıynsha qujattardy jáne memlekettik nómirdi úıge jetkizý qyzmetin paıdalanýyna bolady.
Qazir mamandandyrylǵan HQKO-da TJ kezinde elektrondyq úkimet portaly arqyly resimdelgen daıyn qujattar men nómir belgilerin berý terezeleri ǵana jumys isteıtinin aıtyp ótken jón. Onlaın tirkeý qazirgi ýaqytta Qazaqstan aýmaǵynda jasalǵan, sondaı-aq Eýrazııalyq ekonomıkalyq odaqqa kirmeıtin elderden ákelingen avtomobılder úshin múmkin.
Bul qyzmetti QR Sıfrlyq damý, ınnovasııalar jáne aeroǵarysh ónerkásibi mınıstrligi, QR Ishki ister mınıstrligi, «Azamattarǵa arnalǵan úkimet» MK KE AQ jáne «Ulttyq aqparattyq tehnologııalar» AQ birlesip iske asyrdy.
Mańǵystaý oblysy