Grant – jeńis kepili

Qazaqstannyń ınnovasııalyq is-áreketi jańa ıdeıalar, ǵylymı bilim­der, tehnologııa­lar jáne ónimder­diń túr-túrleri arqyly qoǵamnyń óndi­ris jáne basqarý salalaryna engizilýine negizdelip respýblıkanyń ekonomıkalyq damýynyń eń mańyzdy faktorlaryna jatady. Dál osy sebepten Elbasy Nursultan Nazarbaev otandyq ekonomıkany jańǵyrtýǵa shaqyrdy. Jańa ındýstrııalandyrýdyń memle­kettik baǵdarlamasy el eko­nomıkasynyń ınnovasııalyq bóli­gin qurý jáne damytý jónindegi jańa mindetterdi alǵa tartty.

Qazaqstannyń ınnovasııalyq is-áreketi jańa ıdeıalar, ǵylymı bilim­der, tehnologııa­lar jáne ónimder­diń túr-túrleri arqyly qoǵamnyń óndi­ris jáne basqarý salalaryna engizilýine negizdelip respýblıkanyń ekonomıkalyq damýynyń eń mańyzdy faktorlaryna jatady. Dál osy sebepten Elbasy Nursultan Nazarbaev otandyq ekonomıkany jańǵyrtýǵa shaqyrdy. Jańa ındýstrııalandyrýdyń memle­kettik baǵdarlamasy el eko­nomıkasynyń ınnovasııalyq bóli­gin qurý jáne damytý jónindegi jańa mindetterdi alǵa tartty. Inno­vasııalar boıynsha biryńǵaı operator – Tehnologııalyq damý jónindegi ulttyq agenttik (TDUA) boldy. Qazir TDUA ınnovatorlardy qoldaý quraldarynyń tolyq jıyntyǵyna ıe – ıdeıanyń ózinen óndiristi keńeıtýge deıin. 2010 jyly agenttik 344 ótinim qabyldady, olardyń ishinde 37 ótinimge qoldaý kórsetildi. Kelesi jylda 679 jobanyń 129-yna qoldaý kórsetildi. Respýblıkalyq bıýdjetten bul maqsatqa 8,8 mlrd. teńge bólindi. Búgingi kúnge, 2011 jyly maquldanǵan ınnovasııalyq granttar týraly 129 kelisimshart boıynsha qarjylandyrý kestelerine sáıkes, grant alýshylarǵa aýdarylǵan qarajattyń jalpy somasy 3,6 mlrd. teńgeni qurady, bul – ınnovasııalyq granttar týraly jasalǵan kelisimsharttardyń jalpy qunynyń 51%-y. Buǵan qosa, agenttik basqarmasynyń sheshi­­mimen ınnovasııalyq granttar týraly 17 kelisimshart boıynsha kelisimshart mindet­temeleri oryndalǵan bolyp tanyldy jáne jobalar jabyq bolyp esepteledi.

2012 jyly «Indýstrııalyq-ınnovasııalyq q­yzmetti memlekettik qoldaý týraly» Zań qabyldandy. Zań qabyldanǵan soń alǵashqy ótinimder 2012 jyldyń qyrkúıek aıynyń sońynda kelip tústi. Granttardyń 8 túri boıynsha kelisimsharttar jasaý 53 kúnge sozylady, al ónerkásiptik prototıp jasaý satysyndaǵy tehnologııany kommersııalandyrýǵa grant kelisimsharty 63 jumys kúnge sozylady, sebebi sarapshylar keńesi olardy qosymsha kezeńde qarastyrady. Innovatorlardyń 2012 jyly kelip túsken ótinimderi memlekettik qoldaýǵa 2013 jyly ıe boldy. Ústimizdegi jyly 100-ge jýyq ótinim qabyldandy, 17 joba boıynsha kelisimsharttar jasaldy. Indýstrııa jáne jańa tehnologııalar mınıstrliginiń qyzmeti ınnovasııalyq belsendiliktiń negizgi kórsetkishteriniń ósýine jaǵymdy úrdis qurdy. 2012 jyly 2010 jylmen salystyrǵanda, ınnovasııalyq belsendi kásiporyndar úlesi 5,2%-dan 7,6%-ǵa ósti.