QR IIM Baıqońyr qalasyndaǵy ókildigi qyzmetkerleri qaýipsizdik sharalaryn qamtamasyz etý maqsatynda «Batys Eýropa – Batys Qytaı» tasjolyna eki tosqaýyl beketin qoıyp, qalada karantındik talaptardyń saqtalýyn qadaǵalaýda. Bul týraly oblystyq Polısııa departamentiniń baspasóz qyzmeti habarlady.
Alaıda eskertýdi elemeıtinder de kóbeıip otyr, ǵaryshkerler qalasynda júrgizilgen reıdter tótenshe jaǵdaı talaptaryn buzýdyń 61 deregin anyqtady.
Sońǵy táýlik ishinde 100-ge jýyq mekeme men oıyn-saýyq oryndary tekserilip, 8 quqyq buzýshylyq belgili bolǵan.
Qazirgi tańda oryn alǵan 61 fakti boıynsha QR ÁQBtK-niń 476-babyna sáıkes ákimshilik hattamalar toltyrylyp, zańdy sheshim qabyldaý úshin qalalyq sotqa joldanyp, 33 ákimshilik is sotta onlaın-rejıminde qaraldy, onda 17 adamǵa aıyppul salynsa, 16 turǵyn ákimshilik qamaqqa alynǵan.