QR Prezıdentiniń 2020 jylǵy 13 sáýirdegi Jarlyǵymen Baýyrjan Jumaǵulov Atyraý oblystyq sotynyń tóraǵasy laýazymyna taǵaıyndaldy dep habarlady oblystyq sottyń baspasóz qyzmeti.
Baýyrjan Tursynuly 1961 jyly Almaty oblysynda dúnıege kelgen. 1985 jyly S.Kırov atyndaǵy Qazaq memlekettik ýnıversıtetiniń zań fakýltetin bitirgen. Mamandyǵy – quqyqtanýshy, zańger.
Ár jyldary Almaty qalasynyń prokýratýrasynda, Aqmola oblysynyń Ádilet basqarmasynda qyzmet atqarǵan. 1999-2002 jyldary Astana qalasynyń soty, 2002-2006 jyldary Atyraý qalasynyń mamandandyrylǵan aýdanaralyq ekonomıkalyq sotynyń tóraǵasy bolǵan.
2011-2012 jyldary QR Joǵarǵy Sotynyń apparatynda, 2012 jyldan bastap búgingi kúnge deıin QR Joǵarǵy Sotynda jumys istedi.