Qyzylorda oblystyq aýmaqtyq qorǵanys brıgadasynyń arnaýly jıynyna 25-35 jas aralaǵyndaǵy áskerı mindetti 96 azamat shaqyrtyldy. Olar oblys ortalyǵy men Qazaly, Shıeli aýdandarynyń eldi mekenderindegi qoǵamdyq tártiptiń saqtalýyn qadaǵalaıdy. Bul týraly aımaq basshysynyń qaýipsizdik jáne qorǵanys máseleleri jónindegi kómekshisi Ǵalymjan Tasjanov málimdedi.
Esterińizge sala keteıik, 2 sáýir kúni Memleket basshysy Qasym-Jomart Toqaev áskerı mindettilerdi arnaýly jıyndarǵa shaqyrý jóninde Jarlyqqa qol qoıǵan bolatyn. Osyǵan baılanysty oblys ákiminiń sheshimimen aýmaqtyq qorǵanys brıgadasyna áskerı mindetti 40 azamat shaqyrtylyp, Qyzylorda qalasyndaǵy indet oshaqtaryn zalalsyzdandyrý jumystaryna jumyldyryldy.
Áskerı qyzmetkerler oblystyq jumyldyrý daıyndyǵy basqarmasy tarapynan úsh mezgil ystyq tamaq, arnaıy kıim jáne basqa da kerek-jaraqtarmen qamtamasyz etiledi.