Reseı prezıdenti Vladımır Pýtın Amerıkanyń «Nıý-Iork taıms» gazetine bergen suhbatynda AQSh-tyń Sırııaǵa soqqy berýi úlken qaterlerge alyp kelýi yqtımal ekenin eskertti.
SOQQYNYŃ SALDARY TÝRALY ESKERTTI
Reseı prezıdenti Vladımır Pýtın Amerıkanyń «Nıý-Iork taıms» gazetine bergen suhbatynda AQSh-tyń Sırııaǵa soqqy berýi úlken qaterlerge alyp kelýi yqtımal ekenin eskertti.
AQSh-tyń Sırııaǵa yqtımal soqqysy qazirgiden de kóp kinásiz qurbandyqtarǵa alyp keledi. Al bul jaıt Sırııanyń shekarasynan da shyǵyp ketýi yqtımal, dedi V.Pýtın. Onyń aıtýynsha, Sırııada ýlandyrýshy gaz qoldanylǵanyna esh kúmán joq. Biraq gazdy Batys elderiniń áskerı ıntervensııasyn arandatý úshin búlikshiler qoldanǵan dep te oı túıýge bolady. Reseı basshysy sondaı-aq, AQSh prezıdenti Barak Obamanyń Sırııadaǵy ahýaldy beıbit tásilmen sheshý jolyn qarastyrýǵa umtylysyn qýattaıtynyn bildirdi.
TÚRKIIаDAǴY QARSYLYQ JALǴASÝDA
Túrkııada adamdar úkimetke qarsy urandatyp taǵy da kóshege shyqty. Buǵan Antakedegi oppozısııa sherýine qatysýshylardyń biri Ahmet Atakanyń qazasy sebep boldy.
Narazylyq bildirýshiler onyń ólimine quqyq qorǵaý organdaryn aıyptap otyr. Al polısııa bolsa, A.Ataka úıdiń tóbesinen ózi qulap ketti degendi kóldeneń tartady. Keıbir aksııalar polısııamen qaqtyǵyspen aıaqtalǵan. Izmırde, Antakede jáne Hataede tártip saqshylary demonstranttarǵa qarsy kózden jas aǵyzatyn gaz ben sýatqysh qoldanǵan.
IMMIGRANTTAR SANY ALAŃDATADY
BUU jarııalaǵan derekterge sáıkes, álemde ımmıgranttar sany óse túsken. Osy jyldyń statıstıkasyna súıensek, óz elderinen shetkeri jerlerde 232 mln. adam (planetadaǵy árbir 30-shy adam degen sóz) ómir súrip jatyr eken.
Bul kórsetkish HHI ǵasyrdyń basyndaǵy málimetterdiń úshten birindeı kóp. Kóptegen ımmıgranttardy eńbekke qabiletti jastaǵylar quraıdy. Al óz elderin tastap ketkenderdiń basym bóligi paıyzǵa shaqqanda Soltústik Azııadan shyqqandardyń úlesinde. Al ımmıgranttardyń basym umtylatyn jerleri Eýropa, sodan keıin damyǵan Azııa elderi kórinedi.
KATALONIIа DERBESTIKTI QALAIDY
Uıymdastyrýshylardyń derekterine qaraǵanda, keshe 400-den astam adam Ispanııanyń soltústik-shyǵysyndaǵy Katalonııa avtonomııalyq oblysynyń 86 eldi mekeninde soltústikten ońtústikke qaraı qol ustasa sozylyp turǵan.
Bul aksııany Katalonııa kúni merekesine oraı osy avtonomııanyń egemendigin jaqtaıtyndar uıymdastyrǵan. Ony ótkizý úshin birneshe saǵat boıy Fransııaǵa aparatyn magıstraldi shosse men Katalonııanyń ortalyǵy Barselona qalasy men basqa da qalalardyń kóptegen dańǵyldary jabylǵan. Shara jergilikti úkimet tarapynan qoldaý tapqan.
USTAZDAR JAŃA REFORMAǴA NARAZY
Myńdaǵan muǵalim Mehıkodaǵy kólik qozǵalysyn toqtatyp tastaǵan. Olar burnaǵy kúni Meksıka prezıdenti Enrıke Penıa Neto maquldaǵan jańa bilim berý reformasyna narazylyqtaryn osylaısha bildirgen.
Narazylyq aksııasyna qatysýshylar Mehıko áýejaıyna aparatyn joldy jappaq bolǵan kezde máselege polısııa aralasyp, osynyń saldarynan demonstranttar men quqyq qorǵaý organdary ókilderi arasynda qaqtyǵys oryn alǵan. Meksıkadaǵy muǵalimder kásipodaǵy jumys vakansııalaryn bólýdi baqylaýda ustaıtyn jemqorlyqqa belshesinen batqan uıym bolyp sanalady. Jańa zańda olarǵa qatysty naqty eshteńe qarastyrylmapty.
TOPAN SÝDYŃ QATERI KÚShTI
Topan sý Amýrdaǵy Komsomolskiniń strategııalyq mańyzdy kásiporyndaryna qater tóndirip otyr. Qaladan 3 myńǵa jýyq adam qaýipsiz jerlerge kóshirilgen. Bir táýlik ishinde Amýr ózenindegi sý deńgeıi taǵy 8 santımetrge kóterilip, 910 santımetrlik belgige jetken.
Osyndaǵy keme jasaý zaýytynda áskerı korablder men súńgýir qaıyqtar jasalady jáne jóndeledi. «Topan sý zaýytqa tym jaqyndap ketpeýi úshin damba bıiktigi kún saıyn ulǵaıtyla túsip keledi. Sýdy keri soryp alý úderisi táýlik boıy júrgizilýde. Eger esh shara qabyldanbasa, zaýyt áldeqashan sý astynda qalar edi», deıdi Amýr keme qurylysy zaýytynyń tehnıkalyq dırektory Sergeı Bolshedvorskıı.
QYSQA QAIYRYP AITQANDA:
AQSh ekonomıkasy 2007-2009 jyldardaǵy qarjy daǵdarysy saldarynan 14 trln. dollar joǵaltqan. Muny Dallastaǵy federaldy rezerv bankiniń sarapshylary jarııa etti.
Nıgerııa armııasy áýe reıdi nátıjesinde radıkaldy «Boko haram» ıslam toby ornalasqan eki bazany joısa, 10 sodyr qaza tapqan. Tamyz aıynda ǵana ıslamshylar tarapynan jasalǵan shabýyldardan 160-tan astam adam kóz jumsa kerek.
Irak astanasy Baǵdad qalasyndaǵy shııt meshiti janynda jasalǵan jarylys saldarynan 15 adam opat bolǵan. Jyl basynan beri Irakta lańkestikterden shamamen 5 myń adam kóz jumypty.
Qurama Shtattar Sırııa oppozısııasyna qarý-jaraqtyń keıbir túrlerin berýdi bastaǵan. Bul týraly Sırııanyń oppozısııalyq jáne revolıýsııalyq kúshteri ulttyq koalısııasynyń ókili Halıd Saleh jarııa etti.
Meksıkanyń shyǵysynda sel tasqynynan kem degende segiz adam qazaǵa ushyraǵan. Verakrýs shtatyndaǵy Koskomatepek mýnısıpaldy aýmaǵyna qarasty Tekoa derevnıasynda selden qutqarý jumystary jalǵasýda.
Japonııanyń Toyota Motor kompanııasy AQSh pen Kanadadan 850,5 myńnan astam Toyota RAV4 jáne Lexus HS 250h markaly kólikterdi qaıtaryp alýda. Oǵan kólikterdegi aqaý sebep bolǵan kórinedi. Búginge deıin kólik ıelerinen 130-dan astam shaǵym túsipti.
Internet materıaldary negizinde ázirlendi.