Indýstrııa jáne ınfraqurylymdyq damý mınıstrligi Úlken Almaty aınalma jolynyń josparyn jarııalady. Jobaǵa sáıkes Úlken Almaty aınalma avtomobıl joly Almaty qalasy ortalyǵynan 20-25 shaqyrym jerdegi Qarasaı, Ile jáne Talǵar aýdandarynyń aýmaqtaryna jatatyn qala mańy aımaǵynda ornalasqan.
Tasjol Qyrǵaýyldy eldi mekenindegi «Almaty – Uzynaǵash» avtomobıl jolymen, Raıymbek eldi mekeninde «Almaty – Bishkek» avtomobıl jolymen, Aqseńgir beketi mańynda «Buryndaı – Shamalǵan» avtomobıl jolymen, sondaı-aq, «Almaty – Komsomol», «Almaty – Qapshaǵaı», «Almaty – Baıserke» avtomobıl jolymen, Qulja tasjolymen qıylysyp, «Almaty – Talǵar» avtomobıl jolymen qıylysta aıaqtalady.
Joba aıasynda 7 kóliktik jol aıyryǵy, 20 kópir men 20 jol ótpeli salynatyn bolady.