Keshe túngi 23.00 shamasynda Jitiqara qalasynda 1974 jyly týǵan áıelden indet anyqtaldy. Búgin Qostanaı qalasynda 55 jastaǵy taǵy bir er adamnan indet anyqtalǵany belgili bolyp otyr.
«Qalalyq aýrýhanada emdelýshilerdi profılaktıkalyq tekserý aıasynda koronavırýstyq ınfeksııany juqtyrǵan bir naýqas anyqtaldy. Er kisi praktologııa bóliminde emdelip jatqan. Qazirgi ýaqytta tıisti epıdemııalyq is-sharalar júrgizildi. Naýqaspen baılanysqan barlyq adamdarǵa karantındik shara qoldanyldy.
Er adam jeke úıde turady, jumys istemeıdi. Indet oshaǵyna zalalsyzdandyryldy. Naýqas Rýdnyı qalalyq aýrýhanasynyń ınfeksııalyq bólimine aýystyrylady», - dep málimdedi óńirlik jedel aqparat shataby.
Jalpy 23 sáýirdegi jaǵdaı boıynsha oblysta COVID-19 indetin juqtyrǵandar sany 36-ǵa jetip otyr.
Qostanaı oblysy