Qostanaıdaǵy kóterme bazarda turǵan Tatıana alýshyǵa ár qarbyzyn aıalaǵandaı sıpap beredi. Kelýshiler ala qarbyzdyń da, qara qarbyzdyń da dámin kórip, shyryndyǵy unasa sózge kelmeı alyp jatyr. Qarbyzdarynyń ishi qyp-qyzyl, táttiligi til úıiredi. Eń úlkeniniń salmaǵy on kılogramnan asyp ketedi. Tatıana men Everest Kımniń nesibesine qaraı shilde aıynyń jańbyrly bolyp, qapy ketken ystyǵy qyrkúıekke jyljyǵyndaı, kún kádimgideı shekeni qyzdyryp tur. Qarbyzdy alýshy kóp. О́nimin satyp, aqshasyn alǵan Tatıana da, sátimen kezdeskenine alýshy da máz, tarazyda teńkıip jatqan ala qarbyzǵa kóńili tolǵandaı ekeýi de jymıyp qaraıdy.
Qostanaıdaǵy kóterme bazarda turǵan Tatıana alýshyǵa ár qarbyzyn aıalaǵandaı sıpap beredi. Kelýshiler ala qarbyzdyń da, qara qarbyzdyń da dámin kórip, shyryndyǵy unasa sózge kelmeı alyp jatyr. Qarbyzdarynyń ishi qyp-qyzyl, táttiligi til úıiredi. Eń úlkeniniń salmaǵy on kılogramnan asyp ketedi. Tatıana men Everest Kımniń nesibesine qaraı shilde aıynyń jańbyrly bolyp, qapy ketken ystyǵy qyrkúıekke jyljyǵyndaı, kún kádimgideı shekeni qyzdyryp tur. Qarbyzdy alýshy kóp. О́nimin satyp, aqshasyn alǵan Tatıana da, sátimen kezdeskenine alýshy da máz, tarazyda teńkıip jatqan ala qarbyzǵa kóńili tolǵandaı ekeýi de jymıyp qaraıdy.
– Kúnniń osylaı ystyǵy sozyla tússe eken dep tilep otyrmyn. Aýa raıyn boljaýshylar qyrkúıek aıynyń qurǵaq, jyly bolatynyn aıtyp otyr ǵoı, tańerteń bazarǵa kelerde úıden qýanyp shyǵamyn. Barlyǵy da belgili tirshilik qoı, adamdar kún jyly bolǵanda qaýyn-qarbyzdy izdeıdi, – deıdi qarbyz satyp otyrǵan Tatıana Konstantınovna.
Iá, «sharýanyń óz maly – ózine qýanysh». Jazymen arqasyn kún jep, betin jel qaǵyp júrip etken eńbeginiń qaıtarymy bolsa deıdi. Olar Qostanaı qalasynan 150 shaqyrymdaı jerdegi Taran aýdanyndaǵy Novoılın selolyq okrýginen 20 jylǵa jer alyp, qarbyz, kókónis egedi. Olardyń «Viva» sharýa qojalyǵy byltyr 15 gektar jerge egin salyp edi, bıyl ony bes gektarǵa kóbeıtti.
Bıyl bes gektar qarbyzdy kóp ektik. О́ıtkeni, ótken jyly ónimdi qyrkúıek aıy bastalmaı turyp-aq túgel satyp bolǵan edim, shyryn tatyǵan qarbyzdy jurt tez alyp ketken. Sondyqtan bıyl onyń gektaryn kóbeıtkendi durys kórdik, deıdi Tatıana Konstantınovna.
Qarbyz egý asa qıyn sharýa emes shyǵar, deımiz biz Tatıananyń tyrnaǵyn jasandy ósirip, boıap qoıǵan saýsaǵyn qysyp turyp, rızashylyǵymyzdy bildirip. Siz meni qarbyz piskende kórip otyrsyz ǵoı. Everest ekeýmizdi kóktemde, eginniń basynda kórseńiz tanymas edińiz. Dıqanshylyq ońaı dep kim aıtty? О́te aýyr jumys. Sáýir aıynda, qardyń kóbesi sógilip, jerdiń tońy jibip, topyraq jylı bastaǵanda bizdi qyrdan kóresiz. Qarbyz tamyz aıyna úlgerip pisý úshin sáýirden bastap, jylyjaıda qarbyzdyń shopaǵyn ege bastaımyz. Kóshet daıyn bolǵan kezde ony 20 gektar jerge plenka jaýyp ektik. Munyń barlyǵy da qolmen atqarylady. Odan keıin sýaryp otyrý úshin aryq salý qandaı aýyr. Biraq biz osy kásippen ómir boıy aınalysyp kelemiz. Kásibińdi jaqsy kórseń odan basqa is joqtaı, ózgege burylýǵa murshań kelmeıdi. Kúzde aqshasy kóringen kezde jazdaıǵy aýyr eńbekti bir sát umytqandaı bolasyń, deıdi Tatıana Konstantınovna. «Viva» sharýa qojalyǵynyń Taran aýdanyndaǵy tyń jerge qarbyz salǵanyna 7 jyldaı bolyp qalypty. Sońǵy jyldary Úkimet tarapynan baqsha ekkenderge kómek bar. Baqshanyń ár gektaryna bıyl 30 myń teńge sýbsıdııa tólendi. Bul sharýalar úshin az kómek emes. Dıqannyń aıtýynsha, baqsha egisiniń shyǵyny kóp. Úsh kún saıyn sýarylady, oǵan tehnıka, janar-jaǵarmaı kerek, negizinen jumys qolmen atqarylatyndyqtan jaldamaly jumysshylarǵa aqy kóp tólenedi.
Osyǵan da qanaǵat. Buryn mundaı kómek te bolmady ǵoı. Qazir kóterme baǵamen qarbyzdyń kılogramyn 35 teńgeden satyp jatyrmyn. Sonyń 20 teńgesi qarbyzdyń ózindik qunyn jabady. Sonda bizdiń paıdamyz 15 teńge deńiz. Sonyń ishinde bazardaǵy kún saıynǵy saýda núktemizdiń aqysy, salyq, júrgen-turǵan jolaqymyz, kúzetshi aqysy – barlyǵy bar. Osylardan qalǵanyn paıda kóremiz. Aqsha ońaılyqpen kelmeıdi, deıdi dıqan Tatıana Kım.
Tatıana men Everestiń qarbyzǵa mamandanǵany sonshalyqty, olar bul daqyldy ylǵı zerttep otyrady. Kóktemde onyń Qostanaı óńirine ósetin, sýyqqa beıim, tez pisetin, shyryndy sorttarynyń tuqymyn tańdap aldyryp egedi. Sondyqtan olar tyńaıtqysh salmasa da, qarbyzdy tutynýshyǵ