Álemdegi eń iri jáne jankúıer syıymdylyǵy jaǵynan alǵashqy ondyqtyń qataryndaǵy «Kamp Noý» stadıonynyń aty bir jylǵa satylymǵa qoıyldy. Iаǵnı 2020/21 jylǵy maýsymda stadıonnyń aty demeýshi kompanııanyń atymen atalmaq. Satylymnan túsken qarjy Ispanııadaǵy jáne álemdegi koronavırýspen qarsy kúreske jumsalady. Bul týraly klýbtyń resmı saıty málimdedi.
Jalpy Eýropada stadıonyń atyn demeýshi kompanııaǵa satý búginde jańalyq emes. Sebebi, «Arsenal», «Manchester Sıtı», «Bavarııa» sekildi klýbtardyń stadıony demeýshi uıymnyń atyna satylǵan jáne qazir sol kompanııanyń atymen atalady.
Osydan birneshe jyl buryn Fly Emirates kompanııasy Madrıdtiń «Real» klýby stadıonynyń atyn satyp alý úshin 300 mıllıon eýro usynǵany esimizde. Biraq Madrıd klýby bul usynystan bas tartyp, komandanyń ańyz fýtbolshysy Santıago Bernabeýdiń qurmetine berilgen atty ózgertpeıtinin málimdegen edi.
Dese de «Barselona» stadıonnyń atyn bir jylǵa satý arqyly shashamen 25-30 mıllıon eýro qarjy tabýy múmkin. Eger qaıyrymdylyq qory «Kamp Noý» atyn satyp alý arqyly óz atyn shyǵarǵysy kelse, soma budan da joǵary bolýy ǵajap emes.
Aıta keteıik, «Barselona» klýby tarıhynda stadıon ataýy eshqashan demeýshi kompanııanyń atyna satylmaǵan. Iаǵnı stadıon salynǵan 1957 jyldan beri «Kamp Noý» dep atalyp keledi. Stadıonǵa bir mezette 99 354 jankúıer syıady.