Boks. Ústimizdegi jylǵy qazan aıynda Almatyda eresekter arasynda ótetin álemdik básekege qatysatyn elderdiń tizimi belgili boldy. Halyqaralyq áýesqoı boks qaýymdastyǵynyń habarlaýynsha, 14-26 qazan kúnderi ótetin chempıonatqa 118 elden shamamen 600 boksshy qatysady. Jahandyq jarys Almaty qalasynda Balýan Sholaq atyndaǵy Sport saraıynda ótedi.
Boks. Ústimizdegi jylǵy qazan aıynda Almatyda eresekter arasynda ótetin álemdik básekege qatysatyn elderdiń tizimi belgili boldy. Halyqaralyq áýesqoı boks qaýymdastyǵynyń habarlaýynsha, 14-26 qazan kúnderi ótetin chempıonatqa 118 elden shamamen 600 boksshy qatysady. Jahandyq jarys Almaty qalasynda Balýan Sholaq atyndaǵy Sport saraıynda ótedi.
Velosport. Astanada Qazaqstan chempıonaty ótýde. Bıyl chempıonatqa Qazaqstannyń barlyq óńirleri men Astana jáne Almaty qalalarynyń komandalary qatysýda. Onda jalpy sany 100-den astam sportshy jarysýda. Jarys kún saıyn saǵat 15.00-de, al 14 qyrkúıekte saǵat 10.00-de bastalady. Marapattaý rásimi jáne jarystyń jabylý saltanaty saǵat 13.00-de ótedi. Chempıonat «Saryarqa» respýblıkalyq velotreginde ótip jatyr.
Hokkeı. Astana qalasynyń «Barys» hokkeı klýby Qurlyqtyq hokkeı lıgasynyń Shyǵys konferensııasynda kósh bastap keledi. Alǵashqy eki oıynda qarsylastaryn utyp, 6 upaı ıelengen «Barys» hokkeı klýby Qurlyqtyq hokkeı lıgasynyń Shyǵys konferensııasynda birinshi orynǵa kóterildi. Eki kezdesýde «Barys» qarsylastar qaqpasyna 15 shaıba soǵyp, 4 shaıbany jiberip aldy. Bul jaǵynan olar bıylǵy chempıonattyń favorıtteri sanalyp otyrǵan «Dınamo-Máskeý» (16-3) jáne «SKA» (16-6) komandalaryna ǵana jol berip tur. Esterińizge sala ketsek, «Barys» alǵashqy eki oıynynda Cherepoveskiniń «Severstal» komandasyn 10:1 esebimen, Iаroslavldiń «Lokomotıv» klýbyn 5:3 esebimen jeńgen bolatyn.
Keshe «Barys» óz alańynda Sankt-Peterbýrgtiń SKA komandasymen kezdesti.
«Egemen-aqparat».