Halyqaralyq konkıshiler odaǵy (ISU) resmı saıtynda mánerlep syrǵanaýdan 2020/21 jylǵy «chellendjer» jarysynyń aldyn ala tizimi jarııalandy.
Josparǵa sáıkes maýsymnyń shymyldyq ashar týrnıri 9-13 qyrkúıekte Beıjińde ótip, jeltoqsanda Zagrebte aıaqtaldy. Sondaı-aq jarystyń bir kezeńi Almatyda (29 qazan – 1 qarasha) ótedi.
ISU bekitken «Chellendjer» týrnıriniń básekeleri myna jarys kestesi boıynsha ótedi: 17-19 qyrkúıek – Oakvıll (Kanada), 16-19 qyrkúıek –Bratıslava (Slovakııa), 23-26 qyrkúıek – Oberstdorf (Germanııa), 8-11 qazan – Espoo (Fınlıandııa), 15-17 qazan – Býdapesht (Vengrııa), 29 qazan – 1 qarasha (Almaty, Qazaqstan), 12-15 qarasha (Varshava, Polsha), 23-30 qarasha – Insbrýk (Aýstrııa) jáne 2-5 jeltoqsan – Zagreb (Horvatııa).
Dese de álemdegi koronavırýs jaǵdaıyna baılanysty jarystardyń kestesi ózgerýi múmkin. Esterińizde bolsa, buǵan deıin pandemııaǵa baılanysty Monrealdaǵy (Kanada) álem chempıonaty ótpeı qalǵan bolatyn.