Bala almastyratyn da bıýro bar eken

Álemge áıgili Reuters agenttigi tilshileriniń 18 aı boıy júrgizgen jýrnalıstik zertteýleri osyndaı tujyrymǵa toqtam jasatty. Olar muny asyrap alǵan balalary ózderiniń kóńilderinen shyǵa qoımaǵan birqatar ókil ata-analar onlaın-toptarynyń halyqaralyq Yahoo Groups jáne Facebook áleý­met­tik ınternet-jelileriniń amerı­kalyq sektoryndaǵy is-áreketterin qadaǵalaý arqyly anyqtap otyr. 

Álemge áıgili Reuters agenttigi tilshileriniń 18 aı boıy júrgizgen jýrnalıstik zertteýleri osyndaı tujyrymǵa toqtam jasatty. Olar muny asyrap alǵan balalary ózderiniń kóńilderinen shyǵa qoımaǵan birqatar ókil ata-analar onlaın-toptarynyń halyqaralyq Yahoo Groups jáne Facebook áleý­met­tik ınternet-jelileriniń amerı­kalyq sektoryndaǵy is-áreketterin qadaǵalaý arqyly anyqtap otyr.  

Mundaı ata-analar ınternet paıdalanýshylardyń jabyq forýmdarynda shamamen: «Biz Reseıden (munyń Qytaı, Qazaqstan, Kambodja degen nusqalary da bar) bir qyz asyrap alyp edik, biraq, ókinishke qaraı, onda nevrologııalyq problemalar bar eken. О́tinemiz, sony basqa otbasylaryna aýystyryp be­rý­ge kómektesińizdershi», degen mazmundaǵy habarlandyrýlar­dy jarııalap turatyn bolyp shyq­ty. Amerıkadaǵy bala asyrap alý­shy­lardyń arasynda keıde óz múm­kindikterin durys eseptemeı, birneshe bala asyrap alǵandarynan týyndap otyrǵan qıyndyqtardy jeńýdiń múmkin bolmaı bara jatqanyna shaǵynatyndar da kezdesedi. Bular da «artyq balany» alǵysy keletin adamdardy izdestiredi. Alaıda, olar bul tirlikteriniń bárin zańnyń aralasýynsyz, eshbir yń-shyńsyz, jurt kózinen tasada atqarǵylary keledi.

Jýrnalıster tek Yahoo Groups áleýmettik jelisiniń bir tobynyń ózinen osyndaı 5029 habarlamany zertteı kelip, mundaǵy áńgimelerdiń keıbir ata-analardyń asyrap alǵan balalaryn basqa otbasylaryna ótkizýlerimen ǵana shektelip qalmaı, kóp jaǵdaıda olardyń ózderin «áb­den jalyqtyrǵan» nemese «artyq bo­lyp shyqqan» jasóspirimdi bas­qa bireýlerge tikeleı satýǵa shy­ǵa­rýlary týraly bolyp otyratynyna kóz jetkizgen. Tekserý sondaı-aq mundaı qaqpaqylǵa ushyraıtyn sá­bı­lerdiń kóbine-kóp Reseıden, Ýk­raı­nadan, Qazaqstannan, Afrıka el­­deri men Qytaıdan ákelingender ara­­synan shyǵatynyn da kórsetip bergen.

Mine, osy jaılardyń ózi bizge she­tel­dikterge asyraýǵa bala berý jaıy­­na qaıta oralyp, oǵan qatań qa­raý­dy nemese toqtatýdy talap etse kerek.

Sultan BOZAIǴYR.