Jaýapkershilik júgi jeńil emes

О́tken aptada Shyǵys Qazaqstan oblysy ákiminen bastalǵan jaqsy úrdis bul aptada Aqmola oblysymen jalǵasty. Jaqsy úrdis demeske bolmas. Sebebi, Ortalyq kommýnıkasııalar qyzmetiniń uıymdastyrýymen Astanada apta saıyn ótip otyratyn bul baspasóz máslıhaty oblys ákimderiniń el aldynda esep berýinen kem túspedi. Máselen, ákimder respýblıkalyq buqaralyq aqparat quraldarynyń aldynda óz óńiriniń ózekti máselelerin sóz etip, jetken jetistigin jarııalaıdy. Jýrnalıster tarapynan týyndaǵan suraqtarǵa jaýap beredi.

О́tken aptada Shyǵys Qazaqstan oblysy ákiminen bastalǵan jaqsy úrdis bul aptada Aqmola oblysymen jalǵasty. Jaqsy úrdis demeske bolmas. Sebebi, Ortalyq kommýnıkasııalar qyzmetiniń uıymdastyrýymen Astanada apta saıyn ótip otyratyn bul baspasóz máslıhaty oblys ákimderiniń el aldynda esep berýinen kem túspedi. Máselen, ákimder respýblıkalyq buqaralyq aqparat quraldarynyń aldynda óz óńiriniń ózekti máselelerin sóz etip, jetken jetistigin jarııalaıdy. Jýrnalıster tarapynan týyndaǵan suraqtarǵa jaýap beredi.

Ortalyq kommýnıkasııalar­ qyzmetiniń keshegi kezekti bas­pa­sóz máslıhatyna Aqmola oblysynyń ákimi Qosman Aıt­mu­hametov keldi. О́tken aptadaǵy úrdispen bul joly da jýrnalıs­ter brıfıng bastalmas buryn «Qazmedıa» ortalyǵynda uıym­das­tyrylǵan atalǵan oblystyń kór­mesimen tanysyp shyqty. Sonan soń, ákim Q.Aımuhametovtiń baıan­damasy tyńdaldy. Jıyrma mınýttyq baıandamada Aqmola oblysynda Elbasynyń tapsyrmasyna sáıkes júrgizilip jatqan jumystar, jalpy óńirdiń tynys-tirshiligi egjeı-tegjeıli aıtyldy. Oblysta júzege asyrylyp jatqan memlekettik baǵdarlamalardyń oryndalý barysy, onyń ishin­de údemeli ındýstrııalyq-ınno­vasııalyq baǵdarlama aıasynda qolǵa alynǵan jobalar jaıy, «Jumyspen qamtýdyń jol kartasy-2020» baǵdarlamasynyń barysy, aýylsharýashylyq sala­synyń jetistikteri, oblystyq áleýmettik salalar boıynsha kórsetkishter tilge tıek boldy. Gazetimizdiń osy nómirinde Q.Aımuhametovtiń maqalasy qosa jarııalanyp otyrǵanyn eskere kele, biz ákimniń baıandamasyna egjeı-tegjeıli toqtalmaı-aq, baspasóz máslıhatynyń ekinshi – suraq-jaýap bóliminde aıtylǵan máselelerge basymdyq bergendi jón kórdik.

Aqmola oblysy As­ta­na mańyn jaǵalaı ornalas­qan­dyqtan bul oblysqa qoıylatyn jaýapkershilik júgi de aıryqsha ekeni ras. Al elordaǵa irgeles aýyldardyń talap-tilegi de basqa aýyldarǵa qaraǵanda joǵary bolsa kerek. Sondaı-aq, bul oblysta Astanamen qatar qanat jaıyp, keńeıip kele jatqan aýyldar qatary kóp bolǵandyqtan onda túıtkildi máselelerdiń de barshylyq ekeni shyndyq. Osydan bolar baspasóz máslıhatynda jýrnalısterdiń suraǵy kóp boldy. Biraq «synaqqa» sa­qa­daı saılanyp kelgen ákim sú­rine qoımady. Memleketimiz halyqtyń áleýmettik jaǵdaıyn jaqsartýǵa basymdyq berip jatqanyn alǵa tarta otyryp, týyndaǵan máselelerdiń mánisin túsindirip berýge tyrysty.

Alǵashqy suraq Astanaǵa jaqyn ornalasqan aýyldardyń ınfraqurylymyna qatysty boldy. Jýrnalıst eń bastysy – aýyz sý, ja­ryq, jol sııaqty ómirlik mańyzy bar ınfra­qu­rylymdardyń búgingi ahýalyna alańdaýshylyq bildirdi. Ákim bul problemalardy sheshý joldary oblystyń áleýmettik-ekonomıkalyq damý jónindegi keshendi josparyna engenin aıtyp, dál qazirgi kúni qatty alańdaıtyndaı másele joq dep basý aıtty. Aýyldarǵa jeke-jeke toqtalyp, onda atqarylyp jatqan jumystardy dáıekti sandar keltire otyryp baıandady. Máselen, Talapker, Qoıandy, 96-shy razezd sııaqty aýyldarǵa, búginde respýblıkalyq bıýdjetten aqsha bólinip, jóndeý bastalyp ta ketken. Qosshynyń da jol jóndeý jumystary qolǵa alyndy deıdi ákim. Jol máselesi kezeń-kezeńimen sheshilýde. 2015 jylǵa deıin biraz eldi mekenniń joldary jaqsarmaq. Al «Qosshyda ystyq sý nege joq?» degen saýalǵa ákim «biz basynan-aq, ol jaqta ystyq sý bolady dep ýáde bergenimiz joq, sebebi, onda jylytý qazandyǵy qysta ǵana jumys isteıdi, al qysy-jazy ystyq sý berý úshin onda JEO bolýy kerek», dep jaýap berdi. Al Stepnogor qalasyna qarasty eldi mekenderde sý máselesi bıyl tolyqtaı sheshimin tappaq. Qaraótkel aýyly ekige bólinipti, jartysy Aqmola oblysyna qarasa, endi jartysy Astanada eken, osyǵan baılanysty qıyndyq týyndap jatyr dep sýyrtpaqtaǵan jýrnalıske ákim «Qaraótkel qashannan bizdiń Aqmola oblysyna qarasty aýyl, eshqashan aýyl ishinde shekara bolǵan joq» dep kesip aıtty. Endi bir saýal «Astanaǵa irgeles otyrǵan Lesnaıa polıana eldi mekenin Astanaǵ