Ońtústik astananyń polısııa qyzmetkerleri án shyrqap, qala turǵyndarynyń nazaryn aýdardy.
«Kók týdyń jelbiregeni, Qazaqtyń asqaq bedeli» dep bastalǵan án polısııa qyzmetkerleriniń kúzettegi baqylaý-ótkizý pýnktterinen, operasııalardy basqarý ortalyǵynan, patrýlderden jáne basqa ýchaskelerden shartarapqa tarady. Rejimniń qaýyrttyǵyna qaramastan, tártip saqshylary jumys ýaqytynda shyǵarmashylyq qulshynyspen án oryndap, turǵyndardyń yqylasyna bólendi.
Almaty polısııa basqarmasy bastyǵynyń orynbasary polkovnık Abdýalı Nasharbekov polısııa qyzmetkerleriniń án salýyn qıyn sátte otandastarǵa qoldaý kórsetýmen qatar kóterińki kóńil-kúı syılaı otyryp, osy án arqyly patrıotızm men otanǵa degen súıispenshilikti qalyptastyrýdy maqsat ettik, degen pikirimen bólisti. Qazirgi kezde karantındi aımaqtarǵa bes myńnan astam tártip saqshylary jumyldyrylǵan.
ALMATY