21 sáýir kúni tańǵy saǵat 05:30 shamasynda Qyzylorda oblysy Polısııa departamentiniń kezekshisi oblys ortalyǵyndaǵy kóp qabatty úıler aýlasyn beınekameramen sholý barysynda eki avtokólikti aınalyp júrgen bir azamattyń júrisi kúdik týdyrady. Kezekshi der kezinde rasııaǵa shyǵyp, oqıǵa ornyna patrýl beketterin jiberedi.
Tártip saqshylarynyń jedel qımyldaýy nátıjesinde avtokólikterge urlyqqa túsip jatqan kúdikti 25 jastaǵy Qyzylorda qalasynyń turǵyny ustalyp, qalalyq polısııa basqarmasyna jetkizildi.
Qazirgi tańda oryn alǵan derek boıynsha Qazaqstan Respýblıkasy Qylmystyq kodeksiniń 24-babynyń 3-bóligimen jáne 188-babynyń 3-bóliginiń 3- tarmaǵyna sáıkes sotqa deıingi tergep-tekserý amaldary júrgizilýde. Oqıǵanyń mán-jaılary anyqtalýda.