Qyrkúıekte ushýy qaıta jalǵastyrylatyn bolyp sheshilgen «Proton-M» zymyran-tasyǵyshynyń ǵaryshqa sapary tehnıkalyq sebeptermen keıinge qaldyryldy. Muny «Roskosmos» ǵarysh agenttigi zymyran-tasyǵyshtyń aqaýlyǵyna baılanysty dep otyr.
Qyrkúıekte ushýy qaıta jalǵastyrylatyn bolyp sheshilgen «Proton-M» zymyran-tasyǵyshynyń ǵaryshqa sapary tehnıkalyq sebeptermen keıinge qaldyryldy. Muny «Roskosmos» ǵarysh agenttigi zymyran-tasyǵyshtyń aqaýlyǵyna baılanysty dep otyr.
«Ushyrylý ýaqyty keıin anyqtalatyn bolady», dedi keshe Baıqońyr aýmaǵynda «Proton-M» zymyran-tasyǵyshynyń qulaýynan bolǵan ekologııalyq saldardy joıý is-sharalaryn baqylaý jónindegi jumys komıssııasynyń otyrysynda agenttik basshysynyń orynbasary Sergeı Savelev.
«Búgingi keńestiń nátıjesin basshylyqqa jetkizemin. Biz «Proton-M» zymyran-tasyǵyshyn ushyrýdy keıinge qaldyrý máselesin qarastyramyz», – dedi ol osy jıynda. S.Savelev sonymen qatar aldaǵy ýaqytta osyndaı tótenshe jaǵdaı oryn almaý úshin barlyq sharalar jasalatynyn aıtty.
Al Qazaqstan budan buryn «Roskosmostan» zymyran-tasyǵyshty ushyrýdy keıinge qaldyrýdy ótingen bolatyn. Qazirgi ahýalǵa qaraǵanda, endigi ushyrylym kem degende taǵy eki aptaǵa ári sozylýy múmkin. Sondyqtan mamandar onyń qyrkúıektiń sońynda nemese qazannyń basynda qolǵa alynyp qalatynyn aıtyp otyr.
Rýslan IGILIK.