Kezinde WBC nusqasy boıynsha álem chempıony atanǵan 51 jastaǵy reseılik kásipqoı boksshy Oleg Maskaev sharshy alańǵa qaıta oralýǵa daıar eken jarııa etti.
Biz bul azamat jaıynda beker áńgimelep otyrǵan joqpyz. Oleg – Qazaqstannyń týmasy. Naqtylap aıtsaq, Qaraǵandy oblysyndaǵy Abaı qalasynda dúnıege keldi. Asa aýyr salmaq dárejesi boıynsha elimizde básekelestik asa kúshti bolǵandyqtan toqsanynshy jyldardyń basynda ol О́zbekstannyń týy astynda óner kórsetýge bel býyp, 1994 jyly Azııa oıyndarynyń jeńimpazy atandy. Basqa da halyqaralyq dodalarda top jardy. Keıinnen Maskaev Reseıge qonys aýdardy. Al bul kúnderi ol AQSh-tyń Kalıfornııa shtatynda turyp jatyr.
Oleg Maskaev 1993-2013 jyldar aralyǵynda kásipqoı rıngte judyryqtasty. Sol aralyqta 46 kezdesý ótkizgen aıtýly boksshy 39 ret jeńiske jetti. 28 qarsylasyn nokaýtqa jiberdi. Sońǵy ret 2013 jyldyń 4 qarashasynda brıtanııalyq Dennı Ýılıamsty upaı sanymen uttty. Sodan keıin Oleg sharshy alańnan kórinbeı ketti.
–Qazir-aq rıngke oralaýǵa daıynmyn. Burynǵy babyma kelý úshin eki aı ǵana jattyqsam jetkilikti. Alaıda jasyma qarap, meniń bul usynysym eshimdi qyzyqtyrmaı otyr. Biraq men rıngke oralyp, áli de ózimniń myqtylyǵymdy moıyndatamyn, – deıdi ataqty boksshy.