Sırııada qazirgi kúnderi saqtalyp turǵan hımııalyq qarýdyń barlyq arsenalyn túgel joıyp jiberýge shama jetedi. Biraq ol kóp ýaqytty jáne biraz qarjyny kerek etedi. Parıjdegi strategııalyq zertteýler qorynyń sarapshysy Olıve Lepık osylaı dedi.
HIMIIаLYQ QARÝDY JOIýǴA ÝAQYT KEREK
Sırııada qazirgi kúnderi saqtalyp turǵan hımııalyq qarýdyń barlyq arsenalyn túgel joıyp jiberýge shama jetedi. Biraq ol kóp ýaqytty jáne biraz qarjyny kerek etedi. Parıjdegi strategııalyq zertteýler qorynyń sarapshysy Olıve Lepık osylaı dedi.
«Reseıdiń osyǵan baılanysty usynyp otyrǵan josparyn ábden júzege asyrýǵa bolady. Alaıda, ol óte kóp ýaqytty alyp ketedi. Bárin saraptaı kelgende, qolda bar hımııalyq qarýlardyń tizimin jasap, olardy baqylaýǵa alý men birjola qurtyp jiberýge birneshe jyl jumsalady», – dedi ol. Sarapshy osyǵan oraı kezinde uly derjavalar – Reseıdiń 40 myń tonnalyq, AQSh-tyń 30 myń tonnalyq kólemdegi hımııalyq qarý-jaraqty joıý jónindegi baǵdarlamasyn mysalǵa keltirdi. «Bul elder ózderiniń hımııalyq arsenaldaryn joıýdy ótken ǵasyrdyń 90-shy jyldarynda bastady. Sol úderis áli jalǵasyp kele jatyr», – degendi bildirdi sarapshy.
EGIPETTE QAITADAN EREÝIL BASTALDY
Egıpettiń tártip saqshylary keshe Nildiń soltústigindegi arnasy boıyna ornalasqan Ál-Mahalla qalasynda ereýilge shyqqandarǵa kózden jas aǵyzatyn gaz qoldandy. Dástúrli juma namazynan keıin oryn alǵan bul jolǵy qaqtyǵysqa «Musylman baýyrlar» jaqtaýshylary men úkimetti qoldaýshy belsendiler qatysty.
Osy kúni sondaı-aq Mysyrdyń Dýmıat jáne Aleksandrııa qalalarynda da tártipsizdikterdiń oryn alǵany aıan boldy. Al Úlken Kaırdegi Gıza men Madınat-Nasrdyń ıslamısteri jańa sherýdi bastap ketti. Qaýipsizdik kúshteri osyǵan oraı tań azannan astananyń Tahrır, Ramzes jáne Rabaa-el-Adaııa alańdaryna baratyn joldardy jaýyp tastady. Juma kúni Egıpettiń ýaqytsha prezıdenti Adlı Mansýr elde eki aıǵa komendanttyq saǵat jarııalady.
LÝKAShENKOǴA BEIBITShILIKTIŃ PARODIIаLYQ SYILYǴY
Belarýs prezıdenti Aleksandr Lýkashenko Shnobeldiń parodııalyq beıbitshilik syılyǵyna laıyqty dep tanyldy. Oǵan bul tartý-taralǵy «kópshiliktiń qol soǵýyna tyıym salǵany, sondaı-aq belorýs polısııasynyń jalǵyz qoldy adamdy osyǵan oraı qamaýǵa alǵany úshin» taǵaıyndalǵan.
О́tken jyly Shnobel beıbitshilik syılyǵyn reseılik ınjener Igor Petrov jarylǵysh zattardy almasqa aınaldyryp jiberý ádisin oılap tapqany úshin alǵan edi. Al 2011 jyly oǵan qala kóshelerine durys qoıylmaǵan kólikterdi bronetransporterdiń kómegimen kúresýge kóshken Vılnıýs qalasynyń meri Artýras Zýokas «qol jetkizipti». Jalpy, Shnobel beıbitshilik syılyǵy degen 1991 jyly belgilengen eken. Ol «aldymen jurtty kúlkige shaqyratyn, sońynan oılandyratyn» ǵylymı jetistikter oılap tapqan adamdarǵa tapsyrylady.
JAÝYNGERLER ESKERTKIShI ZAQYMDALDY
Polshanyń Legnısa qalasynda qarýlas keńes-polıak áskerleriniń eskertkishteri búlinshilikke ushyrady. Bul týraly jergilikti polısııanyń baspasóz hatshysy Masoıch ITAR-TASS tilshisine habarlady.
«Túnde áldekimder eskertkishti búldirip ketipti. Onyń betinde eki qyzyl daq qalypty», dedi ol. «Biz qoldan kelgeninshe qaskóıdi taýyp, qamaýǵa alýǵa tyrysamyz», degendi qosty polısııa ókili. Masoıchtiń sózine qaraǵanda, bul oqıǵadan bólek, birneshe mınýt buryn qalanyń ortalyǵynda «Búkilpolıak jastary» uıymy músheleriniń sherýi bolyp ótken eken. Oǵan qatysýshy jastar qoldaryna jalaýlar men transparanttar alyp shyǵyp, Reseı-Polsha soǵys ardagerleriniń kezdesýi men qazirgi Legnısa turǵyndarynyń keńes áskerleriniń bul qaladan shyǵarylǵanyna 20 jyl tolýyn atap ótýine qarsylyq bildirgen kórinedi.
TО́RTZORLYQShYО́LIMJAZASYNAKESILDI
Úndistan astanasynda stýdent qyzdy zorlap, óltirgen tórt qanypezer ólim jazasyn aldy. Oqıǵa ótken jyldyń jeltoqsan aıynda bolǵan edi. Osy kúni medısına ınstıtýtynyń 3-kýrs stýdenti Djotı Sıngh toptyq zorlaýdyń qurbanyna aınalǵan-tyn.
Sot prosesi barysynda Vınaı Sharma, Akshaı Thakýr, Pavan Gýpta jáne Mýkesh Sıngh esimdi buzaqylar ózderiniń qyz zorlaý men ól tirýge qatystary bar ekenderin moıyndaǵan. Qylmysqa barlyǵy 6 adam qatysqan bolyp shyqty. Aıyptalýshylardyń biri – Ram Sıngh ózine ózi abaqtyda qol saldy. Al kámelettik jasqa tolmaǵan altynshy qatysýshy (onyń aty-jóni jarııalanbaı otyr) barynsha joǵary jazany – úsh jyl túzeý kolonııasyna otyrýǵa kesildi.
Internet materıaldary negizinde ázirlendi.