Qyzylorda qalasynda qyrkúıektiń 13 juldyzy kúni qalalyq ishki saıasat bólimi jáne «Bolashaq jastary» qoǵamdyq birlestiginiń uıymdastyrýymen Qorqyt ata atyndaǵy Qyzylorda memlekettik ýnıversıtetiniń Stýdentter saraıynda «Otbasy - Otan tiregi» atty dóńgelek otyrysy ótkizildi. Bul týraly qalalyq ishki saıasat bólimi habarlady.
Otbasy kúnine baılanysty ótkizilgen jıynda qalalyq ishki saıasat bóliminiń bastyǵy Aıdyn Qaırýllaev jas urpaq boıyna sińiretin tárbıeniń bastaý kózi otbasynan qalanatynyn atap ótip, qala deńgeıinde atqarylǵan sharalarǵa toqtaldy. Al Qyzylorda memlekettik ýnıversıtetiniń professory Merýert Ańsatova qazirgi kezde shańyraq kóterip jatqan jastar arasynda ajyrasý sanynyń azaımaı otyrǵanyn málimdedi. Bul oraıda osy taqyrypqa qatysty oı qozǵaǵan Qyzyljarma aýylyndaǵy «Múbarak» meshitiniń ımamy Nurlybek Mahambetov dindegi otbasy róli Paıǵambar hadısterinde, Quran Kárimde aıryqsha aıtylǵanyna mańyz berdi. Jalpy, jıynda sóz alǵan analar men qoǵamdyq birlestikterdiń músheleri, stýdentter otbasy dińgeginiń myǵym bolýy adamdardyń syılastyǵyna tikeleı qatysty ekenin atady.
Ámirhan Almaǵanbetov.