Tótenshe jaǵdaıdy qamtamasyz etý jónindegi jedel shtabtyń habarlaýynsha, Atyraý oblystyq aýrýhanasynyń bas dárigeri Saıyn Shomırov qyzmetinen ýaqytsha bosatyldy.
Oblystyq densaýlyq saqtaý basqarmasynda medısınalyq mekemede koronavırýs ınfeksııasynyń taralýyna jol berilýi faktisine oraı komıssııa quryldy. Buǵan deıin, 8 sáýirde bas dárigerdiń sheshimimen naýqastar men dárigerlerdiń koronavırýs ınfeksııasyn juqtyrýyna baılanysty aýrýhana karantınge jabylyp edi. Al, 31 naýryzda qaýipti indetti juqtyrǵan medısınalyq qyzmetkerler arasynda 10 derek, naýqastardan 12 derek anyqtaldy.
–Arnaıy komıssııa aýrýhana basshylyǵynyń Covid-19 ınfeksııasyn juqtyrýdyń alǵashqy jáne keıingi faktilerin tirkeý kezindegi is-áreketin tekserýde. Komıssııa jumysynyń nátıjesimen bas dárigerdi qyzmetinen ýaqytsha bosatý nemese qyzmetinen bosatý týraly sheshim qabyldanady,- dep habarlady jedel shtab.