Arqalyqta ınfeksııa bóliminde jatqan naýqastan alynǵan ekinshi taldaý qorytyndysy teris nátıje kórsetti. Bul týraly Qostanaı oblysynyń «Ulttyq saraptama ortalyǵy» málimdedi. Qazir naýqas oń nátıje kórsetken birinshi taldaý qorytyndysy boıynsha emdelip jatyr.
– Aldaǵy ýaqytta alynatyn taldaý qorytyndylary naýqastyń jaǵdaıyna, ımmýnıtetine jáne emdeý sharalarynyń yqpalyna qaraı birde oń, birde teris nátıje kórsetýi múmkin. Hattama boıynsha aýrýhanadan shyǵarar aldynda naýqastan COVID-19-ǵa taǵy eki ret taldaý alynady. Eki taldaýdyń da qorytyndysy teris nátıje kórsetse, úıge jiberiledi, - dep málimdedi densaýlyq saqtaý basqarmasynyń baspasóz qyzmeti.
Arqalyq qalasynda turatyn 48 jastaǵy áıel 18 sáýirde COVID-19 dıagnozymen aýrýhanaǵa jatqyzylǵan bolatyn.
Qostanaı oblysy