Halyqaralyq shaıbaly hokkeı federasııasy 2020 jylǵy álemdik reıtıngti jarııalady. Jyl saıyn túziletin reıtıngte álem chempıonattary men Olımpııa oıyndaryna irikteý týrnırleriniń nátıjeleri esepke alynady. Sondaı-aq bul reıtıng 2022 jylǵy Olımpıadanyń jerebesin anyqtaýǵa kómektesedi dep habarlaıdy Olympic.kz.
Shaıbaly hokkeıden erler arasyndaǵy reıtıngte Qazaqstan quramasy úsh satyǵa joǵarylap, 16-orynǵa turaqtady. Ulttyq qurama enshisinde 2420 upaı bar. О́kinishke qaraı, bizdiń qurama aqpan aıynda elimizde ótken 2022 jylǵy Olımpııa oıyndaryna joldama beretin týrnırde Polshadan jeńilip, joldamadan qaǵylǵan-dy.
Erler arasyndaǵy reıtıngte Kanada kósh bastap tur. Ekinshi orynda Reseı, úshinshi orynda Fınlıandııa quramalary ornalasqan. Al Qazaqstan áıelder komandasy eki satyǵa tómendep, 21-orynǵa syrǵyǵan. Aıta ketelik, koronavırýs indetine baılanysty hokkeıden 2020 jylǵy álem chempıonaty ótpeıtin boldy. Osyǵan oraı, reıtıngte aıtarlyqtaı ózgeris bolǵan joq.