Kommýnaldyq tólemder boıynsha baılanys ortalyǵyna 20 myńnan astam qońyraý túsken. Alaıda ótinish berýshilerdiń basym kópshiligi tólemderin qaıta qaraýdy qajet etpeıtin topqa jatady.
Almaty qalasy Energotıimdilik jáne ınfraqurylymdyq damý basqarmasynyń basshysy Áset Masabaev 22 sáýirden bastap qalada kommýnaldyq qyzmet kórsetýshilerge shyǵyndardy óteýdiń biryńǵaı baılanys ortalyǵy ashylǵanyn atap ótti.
Alǵashqy kúnderi call-ortalyqta 17 adam jumys istegen. Alaıda qońyraýlardyń kóptep túsýine baılanysty qyzmetkerlerdiń sanyn 40 adamǵa kóbeıtý qajettigi týyndaǵan. Úsh kún ishinde almatylyqtardan 20 520 qońyraý qabyldanǵan.
«Qazirgi ýaqytta 4 073 ótinish óńdelip, onyń 2011-i maquldandy. Qabyldanbaǵan ótinishter bul ótemaqy alýǵa quqyǵy bar azamattar sanatyna kirmeıdi. Keıbir sebeptermen, kóptegen adamdar bul ótemaqy barlyq azamattarǵa tıesili dep sanaıdy. QR IIDM maquldaǵan áleýmettik osal toptarǵa jatatyn adamdar ǵana ótinish bere alady», - dedi Áset Masabaev.
ALMATY