Tótenshe jaǵdaı rejımin qamtamasyz etý jónindegi jedel shtabtyń málimetine súıensek, Teńiz kenishiniń 10 jumysshysynan qaýipti indettiń belgisi anyqtalyp otyr.
Onyń toǵyzy – (1996, 1992, 1983, 1992, 1993, 1980, 1979, 1970, 1960 jyldary týǵan) er adam, bireýi – 1989 jylǵy áıel. Olar koronavırýs juqtyrǵandarmen baılanysta bolǵandyqtan, buǵan deıin karantındik stasıonarǵa jatqyzylǵan.
– Olardan zerthanalyq synamalar alynyp, PTR dıagnostıkalyq zertteý nátıjeleri boıynsha COVID-19 dıagnozy qoıyldy. Qazirgi tańda naýqastar juqpaly aýrýlar aýrýhanasyna jatqyzyldy. Jaǵdaılary qanaǵattanarlyq, bekitilgen hattamaǵa sáıkes em alyp jatyr. Naýqastarmen qarym-qatynasta bolǵan adamdar anyqtalyp, barlyǵy medısınalyq baqylaýǵa alyndy. Aýrý oshaqtarynda epıdemıologııalyq zertteý, zalalsyzdandyrý jumystary júrgizilýde, -dep habarlady jedel shtabtan.
Búgingi, 25 sáýirdegi tańerteńgi jaǵdaı boıynsha Atyraýda COVID-19 ınfeksııasyn juqtyrǵan 98 adam tirkelgen. Jazylyp shyqqandar – 35 adam.