Amerıka ǵalymdary ár túrli maskalardy zertteı kele, eki qabattap qoldan tigilgen maskalardyń dárigerlerge usynylǵan N95 respıratorlardan kem túspeıtinin anyqtady.
Amerıka ǵalymdary zertteý nátıjesi boıynsha eki qabattap qoldan tigilgen maskalardyń aerozol bólshekteriniń 80-99%-yna tosqaýyl bolatynyna kóz jetkizgen. Olar AQSh-tyń medısına qyzmetkerlerine usynylatyn N95 respıratorlarynan tıimdiligi jaǵynan kem túspeıdi degen qorytyndyǵa keldi.
Zertteýshiler aýada suıyqtyq pen qatty zattardyń bólshekterin shashyratatyn arnaıy aerozol qondyrǵysyn ázirledi. Osylaısha olar qaı maskanyń zııandy bólshekterdi jaqsy ustap qalatynyn baqylaǵan. Eń nashar qorǵanys deńgeıi bir qabatty maskalarda ekeni anyqtaldy.
Sondaı-aq zertteýshiler maskanyń betke yńǵaıly ári janasyp turýynyń, eshqandaı jyrtylǵan jeriniń bolmaýy mańyzdy ekenin erekshe atap ótti. Olaı bolmaǵan jaǵdaıda, maskanyń kómegi kem degende eki esege azaıady.