Energetıka jáne turǵyn úı-kommýnaldyq sharýashylyq basqarmasynyń basshysy Dáýren Asqarovtyń aıtýynsha, kommýnaldyq shyǵyndardy óteý karantın engizilgen eldi mekenderde respýblıkalyq bıýdjet qarajaty esebinen sáýir jáne mamyr aılarynda júzege asyrylady.
1 tutynýshyǵa beriletin járdemaqy kólemi - 15 myń teńge. Bul qarjy turǵyndardyń elektr, jylý, gaz, sý aqysyn tóleýine jumsalady.
- Oblys boıynsha áleýmettik qoldaýdyń bul túri 50 449 turǵynǵa kórsetiledi. Áleýmettik tólemderdiń jalpy somasy 1,5 mlrd teńge bolady, - dedi D. Asqarov.
Tólemdi alý úshin tutynýshy Koll-ortalyq arqyly AJT, JSN, áleýmettik mártebesi, jeke shot derekteri men baılanys telefony kórsetilgen ótinim berýi qajet.
Qostanaı oblysy