Qostanaı oblysynyń ákiminiń «Áskerı mindettilerdi arnaıy jıynǵa shaqyrý» týraly qaýlysyna oraı, Qostanaıda áskerı mindetti 50 azamat 27 sáýirden 15 mamyrǵa deıin zalalsyzdandyrý sharalaryn júzege asyrý úshin arnaıy áskerı jıynǵa shaqyrtyldy, - dep habarlady qorǵanys isteri jónindegi departamenttiń baspasóz qyzmeti.
Arnaıy jıynǵa Qostanaı qalasynyń qorǵanys isteri jónindegi basqarmasynda tirkeýde turǵan áskerı qyzmetke jaramdy azamattar tartylady. Shaqyrtý alǵandar 25 sáýirde sapqa turýǵa jaramdylyǵyn anyqtaý úshin medısınalyq tekseristen, sondaı-aq koronavırýs indetiniń bar-joqtyǵyn anyqtaıtyn testileýden ótedi.
Áskerı mindettilerdi jeke qorǵanysh jáne arnaıy zalalsyzdandyrý quraldarymen qamtamasyz etý jaǵy Qostanaı qalasy ákimdigine tapsyryldy.
Qostanaı