Shymkentte kenege qarsy zalalsyzdandyrý jumystary qyzý júrgizilip jatyr. Ony dezınfeksııalyq ortalyq atqarýda.
Megapolıstegi 15 turǵyn alapqa qarasty 6 250 000 myń sharshy metr jer dárilenedi. Zalalsyzdandyrý jumystary 7 sáýirden bastalǵan. Qazirge deıin mamandar Eńbekshi aýdanyna qarasty 467 641 sharshy metr aýmaqty tolyqtaı tozańdatyp shyqqan.
«Eńbekshi aýdany boıynsha «Jylanbuzǵan», «Badam-1», «Badam-2», «Turdabat», jáne «Juldyz» turǵyn alaptaryn dárileý jumystary aıaqtaldy", deıdi Eńbekshi aýdandyq Taýarlar men kórsetiletin qyzmetterdiń sapasy men qaýipsizdigin baqylaý basqarmasynyń bas mamany Aqtoty Asanbaeva.
Mamandar dalaly aımaqtyń shóbin «Deltapes» dep atalatyn hımııalyq dárinimen zalalsyzdandyrýda. Shańdaý jumystarynan keıin zoolog mamandar taǵy da tekserý júrgizedi, deıdi dezınfeksııa ortalyǵynyń bıolog mamany Gaýhar Kemelbekova.
Kongo-Qyrym qyzbasyn taratýshy kenege qarsy dárileý jumystary sáýir aıynyń sońynda tolyq aıaqtalmaq. Hımııalyq suıyqtyqtyń janýarlarǵa esh zııany joq. Degenmen tazartylǵan aýmaqtarǵa bir aptaǵa deıin mal jaıýǵa tıym salynǵan.
Shymkent