Búgin Atyraýda koronavırýs ınfeksııasyna shaldyqqandar arasynda Teńiz kenishiniń toǵyz jumysshysy bar.
Tótenshe jaǵdaı rejımin qamtamasyz etý jónindegi óńirlik jedel shtabtyń málimetine súıensek, qaýipti indet belgisi tabylǵandardyń segizi –er adam. Olar 1969, 1994, 1977, 1996, 1991, 1979, 1985, 1976 jyldary týǵan. Sondaı-aq, 1983 jylǵy áıelden de koronavırýs anyqtalǵan.
«Buǵan deıin koronavırýs juqtyrǵan naýqaspen baılanysta bolǵany úshin jumysshylar karantındik stasıonarǵa jatqyzylyp, olardan zerthanalyq synamalar alynǵan bolatyn. Atalǵan azamattarǵa jasalǵan PSR dıagnostıkalyq zertteýiniń nátıjesi koronavırýs ınfeksııasyn rastady.
Qazirgi ýaqytta naýqastardyń jaǵdaıy qanaǵattanarlyq. Barlyǵy dárigerlerdiń qatań baqylaýyna alyndy. Aýrý oshaqtaryna dezınfeksııa jasalýda» -dep habarlady óńirlik jedel shtabtan.