Búgin taǵy eki adam jahan jurtyna sheńgelin batyrǵan koronavırýs ınfeksııasyna shaldyqty. Tótenshe jaǵdaı rejımin qamtamasyz etý jónindegi óńirlik jedel shtabtyń málimetinshe, olar – Teńiz kenishinde jumys istegen jumysshylar.
– Dertke shaldyqqandar – 1977 jáne 1979 jylǵy eki er adam. Jumysshylar buǵan deıin koronavırýs juqtyrǵan adammen baılanysta bolǵany úshin karantındik stasıonarda jatqan. Qazirgi ýaqytta olarmen baılanysýshylar tizimi jasalyp, oqshaýlandy. Infeksııa oshaǵyna dezınfeksııa jumystary júrgizilýde, -dep habarlady jedel shtabtan.
Jedel shtabtyń deregine súıensek, Atyraý oblysynda aty jaman indetti juqtyrǵandardyń sany 123 adamǵa jetti. Al 47 adam saýyǵyp shyqty.