Tótenshe jaǵdaı kezinde alǵy shepte júrgenderdiń biri –polısııa qyzmetkerleri.
Olar Atyraýdaǵy kúsheıtilgen rejım talabyn saqtaý úshin damylsyz kezekshilik atqarýda. Alaıda, tártip saqshylarynyń arasynda da qaýipti indetke shaldyqqandar bar.
«Atyraýda polısııanyń 3 qyzmetkeri koronavırýs juqtyrdy. Bul jaǵdaı tergeý ızolıatorynda oryn alǵan. Sondaı-aq, naýqaspen baılanysta bolǵan 18 adam oqshaýlandy» -dedi Atyraý oblystyq densaýlyq saqtaý basqarmasy basshysynyń mindetin atqarýshy Gúlnafıs Tańbaeva.
Búgin Atyraý oblysynda qaýipti indetti juqtyrǵandar sany 123-ke jetti. Olardyń arasynan 47 pasıent jazylyp shyqqan.