Sońǵy eki kúnde kásipkerler arasynda daý týdyrǵan QR Ulttyq Ekonomıka mınıstriliginiń 361 kásiporyndy ǵana qoldaý týraly sheshimine «Atameken» UKP Basqarma tóraǵasy Abylaı Myrzahmetov óz oıyn bildirdi. Áleýmettik jelilerde keńinen taralǵan júıe quraýshy kásiporyndar tiziminiń qalaı jasaqtalǵany týraly resmı aqparat suraýshylar qatary kóbeıgen. Alaıda Ekonomıka mınıstrliginiń enshiles mekemesi sanalatyn Ekonomıkany zertteý ınstıtýty tarapynan taratylǵan aqparat áli kúshine enbegen. Bul ınstıtýt sarapshylarynyń jumys materıaldary bolýy múmkin degen boljam aıtylýda.
̶ Bul tizim kúshine engen joq. Dese de, Ulttyq ekonomıka mınıstrligi bul sheshimdi qabyldanbastan nege taratqany túsiniksiz. О́ıtkeni, bul áli de qaralyp jatqan másele. Bul tizim Ekonomıkany zertteý ınstıtýty mamandarynyń jumys qujattary dep sanaımyn. Sol tizim jelige túsip, kóptegen narazylyqtar týyndady. Bul qoldanysqa eneıin dep turǵan tizim emes. Bul ınstıtýt sarapshylarynyń ártúrli nusqalardyń ishinde qaısy tizimdi qoldaımyz degen ózderiniń jumys qujattary, - dedi Palata tóraǵasy.
Sonymen birge, bul tizim «Atameken» UKP-men kelisilmegen, sondyqtan Ulttyq palata kásiporyndardy tańdaý krıterıılerin qalyptastyrýǵa jáne júıe quraýshy kásiporyndar tizimin qurýǵa esh qatysy joq ekenin málimdedi.
̶ Bizge mınıstrliktiń basshylary habarlasyp, úlken kompanııalardyń jaǵdaıy qalaı degen anketa toltyrý týraly usynys jasady. Biz qarsy bolǵan joqpyz. Tek orta jáne iri bıznestiń jaǵdaıyn anyqtap berýge ǵana kelistik. О́ıtkeni «Atameken» tótenshe jaǵdaı engizilgennen beri aldymen qarapaıym halyq pen mıkro jáne shaǵyn bızneske kómek kórsetý qajet degen bastamany qoldap keledi, – dedi Abylaı Myrzahmetov.
Sonymen birge, Ablaı Myrzahmetov Ulttyq ekonomıka mınıstriligi tizimdi qurýdyń ólshemderi men qaǵıdattaryn kásipkerlerge túsindirýi kerek dep atap ótti. Onyń aıtýynsha, bul suraq keıbir kompanııalardyń aksıonerleri úshin de mańyzdy bolýy múmkin. О́ıtkeni, olar eshbir saýalnama men ótinish bildirmegendikterin eskerý qajet kórinedi. (ol mysal retinde Astana tobynyń jalǵyz aksıoneri Nurlan Smaǵulovty keltirdi).
̶ Múmkin, mınıstrlik buny saraptaýy kerek, jáne jumys materıaldarynyń jobasyn daıyndaǵan sarapshylar túsinikteme berip, máseleni jasyrmaýy kerek. О́kinishke oraı, sarapshylar shý shyqqan kezde naqty túsinikteme jasaýy kerek edi. Biraq bul UEM-niń kinási dep aıtpaımyz, degenmen eger bul tizimder mınıstrlik tarapynan shyqqan bolsa, naqty túsindirýleri kerek, - dedi Abylaı Myrzahmetov.