Oblys ákimdiginde ótken selektorlyq keńeste aımaq basshysy Arhımed Muhambetov bıylǵy jylý maýsymyn qorytyndylap, Arqalyq qalasyn jylýmen qamtýdy jetildirý boıynsha júrgizilip jatqan jumystar týraly aıtty.
Buǵan deıin mazýtpen jylytylyp kelgen Arqalyqty birtindep kómir qyzýymen jylytýǵa kóshirý maqsatynda bıyl «Arqalyq qalasynyń jylýmen jabdyqtaý júıesin 2030 jylǵa deıin qaıta jańartý» jobasy iske asyryla bastaıdy. Jobany júzege asyrýǵa 2020 jyly bıýdjetten 3526,5 mln teńge bólindi. Al 2021 jyly taǵy 4981,2 mln teńge bólý qarastyrylǵan.
Arqalyq jylý energııa ortalyǵyna aldaǵy jylý maýsymyna 48 myń tonna kómir satyp alý kózdelip otyr. Buǵan oblystyq bıýdjetten 733,6 mln teńge bólinbek.
Jıyn barysynda bıyl Naýyrzym aýdany Qarameńdi aýylynda jylý qazandyǵynyń salynatyny belgili boldy. Sondaı-aq, Fedorov aýylynda tabıǵı gazben jumys isteıtin bloktyq-modýldik qazandyq qurylysy boıynsha 7 joba iske asyrylady.
Qostanaı oblysy