«Qostanaı oblysynyń qorǵanys isteri jónindegi departamenti áskerı mindettilerdiń qyzmetke jaramdylyq dárejesin anyqtaý boıynsha medısınalyq tekseri ótkizdi. Sondaı-aq, áskerı qyzmetke shaqyrtý alǵandarda koronavırýstyq ınfeksııanyń bar-joǵyn testileý uıymdastyrdy.
Medısınalyq komıssııa 65 úmitkerdiń ishnen 50 adam iriktep aldy. Barlyq shaqyrylýshylar Qostanaı qalasynyń qurylys kolledjiniń jataqhanasynda ornalastyryldy» - dep málimdedi jedel aqparat shtaby.
Erteń, ıaǵnı 28 sáýir kúni saǵat 15.00-de qurylys kolledji aldyndaǵy alańda arnaıy áskerı jıynǵa shaqyrylǵandardyń saltanatty sapqa turý rásimi ótedi. Sarbazdar saptyq baıqaýdan ótip, odan keıin qalany dezınfeksııalaý jumystaryna kirisedi. Dezınfeksııany tıimdi jáne qaýipsiz júrgizý maqsatynda barlyq áskerge shaqyrylýshylar qorǵanys jáne tehnıkalyq quraldarymen - kombınezon, qorǵanys maskalary, qolǵap, aspaly búrikkishtermen qamtamasyz etildi.
Jańa jasaqtalǵan áskerıler oblys ortalyǵyndaǵy balalarǵa arnalǵan oıyn alańqaılaryn, turǵyn úılerdiń kire beris dálizderi men aýlalardy zalalsyzdandyrady.
Qostanaı