Almatylyq kásipkerler qala ákimi Baqytjan Saǵyntaevqa óndiris oryndarynyń qyzmetin qalpyna keltirýge múmkindik bergeni úshin alǵys bildirdi. Bul jóninde ákimdiktiń baspasóz qyzmeti habarlady.
Eske sala ketsek, 20 sáýirden bastap megapolıste 31 kásiporyn jumys isteı bastady. Jarııalanǵan tizimde óndiris jáne qurylys nysandary, sondaı-aq zańdy tulǵalarǵa qyzmet kórsetý úshin halyqqa qyzmet kórsetý ortalyqtary bar. Kesheden bastap qala ekonomıkasyn qalpyna keltirýdiń ekinshi kezeńi bastalǵany málim. Tolyq tizimdi qalanyń almaty.gov.kz resmı saıtynan tabýǵa bolady.
Qala kásipkerleri óz kezeginde belgilengen sanıtarlyq normalardy qatań saqtaıtynyn atap ótti. Barlyq ashylǵan mekemelerdiń sanıtarlyq-epıdemıologııalyq qaýipsizdik talaptaryna sáıkestigi tekserildi. Komıssııa quramynda qalalyq kásipkerlik jáne ınvestısııalar basqarmasynyń, taýarlar men qyzmetterdiń sapasy men qaýipsizdigi baqylaý departamentiniń mamandary, sonymen qatar «Atameken» kásipkerler palatasynyń músheleri jumys júrgizedi.