Reseıdiń iri áýe kompanııalarynyń trafıgi naýryz aıynda 50 paıyzǵa deıin tómendegen. Degenmen de bul komapnııalar sáýir aıynda bıletter qunyn kóterip sharyqtatyp alǵan.
Vedomstvo málimetterine súıensek, Máskeýden Reseıdiń 15 qalasyna bılet quny 50-110 paıyzǵa deıin ósken.
Buǵan deıin «Aeroflot» áýejaıynyń bazalyq tasymaldaýshysy koronavırýstyń saldarynan myńdaǵan reısti alyp tastaǵan. Iri reseılik «Sheremetevo» áýejaıynyń jolaýshylar tasymaly naýryz aıynda ótken jylǵy naýryzǵa qaraǵanda 41,6 paıyzǵa, ıaǵnı 2,2 mln adamǵa deıin qysqarǵan, dep habarlaıdy Rosavıasııa. Al Máskeýdiń basqa áýejaılary mundaı jaǵdaıdan alystaý. «Domodedovo» trafıgi 29,3 – 1,4 mln jolaýshyǵa, «Vnýkovoda» 24,3 paıyzǵa – 1,2 mln jolaýshyǵa deıin qysqarǵan.
«Aeroflot» shetelden jolaýshylar tasymaldaıtyn iri áýejaıy bolyp tabylady. Oǵan «Sheremetevo» trafıginiń shamamen 75 paıyzy tıesili. Naýryz aıynyń ortasynan bastap «Aeroflot» aptasyna 1300 reıs toqtatýǵa májbúr bolǵan. Aı sońynda Reseı úkimeti halyqaralyq reısterge tolyqtaı tyıym saldy. Osy kezeńde «Aeroflot» aptasyna 1000-ǵa jýyq reısterdi toqtatty.
Naýryz aıynda Máskeýde osy úsh áýejaı halyqaralyq reısterde 1,7 mln adamǵa qyzmet kórsetse, bul ótken jyldyń salystyrmaly kezeńine qaraǵanda tómen. Máskeý arqyly ishki tasymaldardyń azaıýy 22,1 paıyzdy qurap – 3,1 mln adamǵa deıin jetken.
«Domodedovonyń» iri tasymaldaýshylary – S7 áýekompanııasy jáne «Ýral áýe joldary» shetelge az ushqan. Olardyń árqaısysy aptasyna 400-ge jýyq sheteldik reısterdi toqtatýǵa týra keldi. «Vnýkovonyń» negizgi tasymaldaýshylary – «Pobeda» loýkosteri jáne Utair – aptasyna 200 jáne 160 halyqaralyq reıster jabylǵan. Utair reısterdiń edáýir bóligin Máskeýden basqa da aımaqtardan oryndaǵan.