Qyzylorda oblysynda koronavırýs ınfeksııasyn juqtyrǵandar sany 187-ge jetti. Bul týraly óńirlik kommýnıkasııalar qyzmetiniń aqparattyq alańynda oblystyq densaýlyq saqtaý basqarmasynyń basshysy Jaqsylyq Ábdisámetov málimdedi.
Sońǵy táýlikte jańadan 5 jaǵdaı anyqtaldy. Olardyń beseýi de Qyzylorda qalasynan. Bir turǵynnan pnevmonııaǵa baılanysty emhanaǵa kórinip, test synamasyn alý barysynda belgili boldy. Al tórteýi indet juqtyrǵandarmen qarym-qatynasta bolyp, baqylaýǵa alynǵan azamattar. Qazirgi tańda naýqastardyń jaǵdaıy birqalypty , emderin hattamaǵa sáıkes alýda, – dedi basqarma basshysy.
Sala basshysy búginnen bastap karantın talaptary jeńildetilgenin aıtty. Biraq, qoǵamdyq kólikterde, dúkende, kóshede barynsha ara qashyqtyq saqtap, adamdardyń shoǵyrlanýyn boldyrmaýǵa mán berý kerek.