Qazaqstandyq sýretshiler Almagúl Meńlibaevamen Aleksandr Ýgaı The Sovereign Asian Art Prizebaıqaýynyń short-paraǵyna ilikti dep habarlaıdy – TengriMIX.
Bas báıgege 30 myń dollar tigilgen baıqaýǵa 88 qatysýshynyń ishinen 31-iniń jumysy tańdap alynǵan. Onyń ishinde bizdiń joǵaryda atalǵan jerlesterimiz de bar. Baıqaýdyń kórme-aýksıonynGonkongta mamyr aıynda ótkizý josparlanyp otyr.
Sýretshiler arasyndaǵy atalmysh baıqaý 2003 jyly quryldy. Baıqaý barysynda álemdik deńgeıdegi óner baǵalaýshylar dúnıe júzindegi eń myqty sýretshilerdiń týyndylarymen tanysady, satyp alady.
Baıqaýǵa sheberlerdiń árqaısysy úsh jumysyn usyna alady. Qazylar olardyń ishinen eń myqtysyn tańdap alady. Tańdalǵan shyǵarmalardan arnaıy tizim jasalyp, Gonkong galereıasyna qoıylady. Ol shyǵarmalardy sol ýaqytta kórermender baǵalap jatady.
Jalpy, baıqaýdyń bas báıgesine 30 myń dollar, «Halyqtyq baǵalaý» atalymynda onlaın daýys berýdiń nátıjesinde eń kóp upaı jınaǵan qatysýshyǵa 10 myń dollar, sondaı-aq, qazylardyń kóńilinen shyqqan eń talantty sýretshige 5000 dollar kóleminde syıaqy beriledi.