Tótenshe jaǵdaı kezinde birqatar sanattaǵy azamattardy qoldaý maqsatynda taǵaındalǵan 42500 teńge kólemindegi áleýmettik tólemdi 416 myń almatylyqtyń alǵanyn buǵan deıin habarlaǵan edik.
Almaty ákimdiginiń óńirlik kommýnıkasııalar alańynda ótken onlaın brıfıng barysynda Áleýmettik ál-aýqat basqarmasynyń basshysy Rahat Shımasheva 15 myń adam atalǵan járdemaqyny óz erkiimen memleketke qaıtarǵanyn málimdedi.
«Atalǵan tólemdi alý talaptaryna sáıkes kelmegen 471 myń ótinish mamandar tarapynan maquldanbaǵan. Tutas el aýmaǵy boıynsha 42500 teńge kóleminde kómek alǵan 163 myń adam memleketke aqshany qaıtarǵan bolsa, Almaty qalasy boıynsha 15 myń adam alǵan járdemaqysynan bas tartqan», - dedi basqarma basshysy.
Este bolsa, buǵan deıin memleket belgilegen aqshalaı kómekti zańsyz alǵandar jaýapqa tartylatyny týraly túrli aqparat taraǵan edi. Keıinnen salaǵa jaýapty mınıstr, eshkimniń de jazalanbaıtynyn aıtyp málimdege jasaǵan bolatyn.