Taraz qalasynda qurylys armatýrasyn shyǵarýmen aınalysatyn sehtyń qurylys-montaj jumystary aıaqtalyp keledi, dep habarlady IIDM baspasóz qyzmeti.
Búgingi tańda tehnologııalyq jabdyqtar tolyǵymen satyp alyndy. Barlyq jabdyqtar kedennen shyǵarylyp, kásiporyn aýmaǵyna jetkizildi.
Sonymen qatar tehnologııalyq jabdyqtardy montajdaý jumystary júrgizilip jatyr. Bıylǵy II toqsanda iske qosý jumystary aıaqtalyp, óndiris oshaǵy jumysyn bastaýy tıis.
Armatýralyq sehty paıdalaný kezinde 300-ge jýyq adam turaqty jumyspen qamtamasyz etilip, óńir turǵyndary úshin áleýmettik júktemeni birshama tómendetedi.
Joba quny 1,8 mlrd. teńge. Jylyna 200 myń tonna ónim shyǵarý kózdelgen. Zaýyt ónimi negizinen ishki qurylys naryǵynyń qajettiligin qamtamasyz etedi. Qazir elimizde turǵyn úı men áleýmettik nysandar qurylysy belsendi júrgizilip jatqandyqtan, zaýyt ónimi joǵary suranysqa ıe bolýy tıis. Sondaı-aq, óńirde bıznes nysandar, jeke turǵyn úı qurylysy, jumys istep turǵan ónerkásiptik nysandar men sehtardy jańǵyrtý jáne qaıta qurý jumystary qarqyndy júrip jatyr.
Jaqyn arada jobanyń bastamashylary taǵy bir mańyzdy jobany qolǵa alýdy qarastyryp otyr. Ol óz kezeginde Jambyl óńirinde qara metallýrgııanyń damýyna aıtarlyqtaı septigin tıgizedi.